India vs England 3rd Test Rajkot : भारत आणि इंग्लंड यांच्यात 5 सामन्यांच्या कसोटी मालिकेतील तिसरा सामना गुरुवार 15 फेब्रुवारीपासून सुरू होत आहे. या सामन्यासाठी पाहुण्या संघाने आपली प्लेईंग इलेव्हनची घोषणा केली आहे.

विशाखापट्टणम कसोटीत खेळलेल्या संघात इंग्लंडने एक बदल केला आहे. या मालिकेत पदार्पण करणाऱ्या फिरकीपटूला वगळून वेगवान गोलंदाजाचा समावेश करण्याचा निर्णय घेण्यात आला आहे.

राजकोट येथे खेळल्या जाणाऱ्या भारताविरुद्धच्या तिसऱ्या कसोटीसाठी इंग्लंडने आपल्या प्लेइंग इलेव्हनची घोषणा केली आहे. या सामन्यासाठी अनुभवी मार्क वुडचा संघात समावेश केला आहे. स्पिनर शोएब बशीरला प्लेइंग इलेव्हनमध्ये स्थान देण्यात आलेले नाही. आता इंग्लंडचे दोन घातक वेगवान गोलंदाज भारताविरुद्ध आक्रमण करतील.

भारत विरुद्ध पाच सामन्यांच्या कसोटी मालिकेतील पहिला सामना हैदराबादमध्ये खेळला गेला. या सामन्यात अडीच दिवस पिछाडीवर पडल्यानंतर इंग्लंड संघाने जोरदार पुनरागमन केले. तिसऱ्या दिवशी भारताचा खेळ खेल्लास केला आणि मालिकेत आघाडी घेतली. पण भारताने विशाखापट्टणम कसोटी जिंकून 1-1 अशी बरोबरी साधली.

इंग्लंडचे प्लेइंग इलेव्हन (England Playing XI For 3rd Test vs India)- जॅक क्रॉली, बेन डकेट, ऑली पोप, जो रूट, जॉनी बेअरस्टो, बेन स्टोक्स (कर्णधार), बेन फोक्स (विकेटकीपर), टॉम हार्टले, जेम्स अँडरसन, रेहान अहमद, मार्क वुड.