लंडन : इंग्लंडचा क्रिकेट संघ भारताविरुद्धच्या मालिकेत ३-१ अशा पिछाडीवर आहे. कसोटी मालिका गमावण्याची आपत्ती इंग्लंड संघावर ओढवली आहे. याच पार्श्वभूमीवर इंग्लंड संघाचे माजी कर्णधार मायकेल वॉन यांनी आपले मत व्यक्त करताना म्हटले की, इंग्लंडला निराशेला मागे टाकण्यासाठी मँचेस्टर सिटी फुटबॉल क्लबचे व्यवस्थापक पेप ग्वार्डिओला यांचे अनुकरण करायला हवे.

त्यांच्या संघात कोणत्याही खेळाडूचे स्थान निश्‍चित नसते. त्यामुळे खेळाडू कोणत्याही परिस्थितीत गृहीत धरून खेळ करीत नाहीत. मायकेल वॉन पुढे सांगतात की, पेप हे मागील १५ वर्षांतील सर्वोत्तम लीडर म्हणून ओळखले जातात.

पुढच्या सामन्यात त्यांच्याकडून कोणता निर्णय घेण्यात येईल हे कोणालाच सांगता येत नाही. खेळाडूंनाही संघातील आपले स्थान पक्के असेल हे माहीत नसते. त्यामुळे बेन स्टोक्सच्या टीमनेही पेप यांच्या योजनांचा अवलंब करायला हवा.