T20 World Cup 2024 Warm Up Matches: टी-20 वर्ल्ड कप 2024 ची मुख्य स्पर्धा 1 जूनपासून सुरू होणार आहे. त्याचबरोबर टी-20 वर्ल्ड कपचे सराव सामने सुरू झाले आहेत. अमेरिका, त्रिनिदाद आणि टोबॅगोमध्ये 27 मे ते 1 जून या कालावधीत सराव सामने खेळवले जाणार आहेत. वर्ल्ड कपपूर्वी एकूण 16 सराव सामने होणार आहेत. सराव सामन्यांच्या पहिल्या दिवशी एकूण 3 सामने खेळले गेले. या सामन्यांमध्ये कॅनडा, ओमान आणि नामिबियाचे संघ विजयी झाले.

टी-20 वर्ल्ड कपच्या सराव सामन्यांच्या पहिल्या दिवशी कॅनडाचा सामना नेपाळशी झाला. जो टेक्सासमधील ग्रँड प्रेरी क्रिकेट स्टेडियमवर खेळला गेला. तर त्रिनिदाद आणि टोबॅगो येथील ब्रायन लारा क्रिकेट अकादमीमध्ये ओमान आणि पापुआ न्यू गिनी यांच्यातील सामना खेळला गेला.

त्याचवेळी, दिवसाचा तिसरा सामना ब्रायन लारा क्रिकेट अकादमीमध्ये नामिबिया आणि युगांडा संघांमध्ये झाला. कॅनडाने नेपाळविरुद्धचा सामना एकतर्फी 63 धावांनी जिंकला. दुसरीकडे ओमानने पापुआ न्यू गिनीचा 3 गडी राखून पराभव केला. याशिवाय युगांडाला नामिबियाविरुद्ध 5 गडी राखून पराभव स्वीकारावा लागला.

पहिल्या दिवसाच्या सराव सामन्यांचे निकाल

कॅनडा विरुद्ध नेपाळ

• कॅनडा - 183/7

• नेपाळ - 120/10

ओमान विरुद्ध पापुआ न्यू गिनी

• पापुआ न्यू गिनी - १३७/९

• ओमान - 141/7

नामिबिया वि युगांडा

• युगांडा – १३४/८

• नामिबिया – १३५/५

सराव सामन्यांच्या दुसऱ्या दिवसाचे वेळापत्रक

• श्रीलंका विरुद्ध नेदरलँड्स, ब्रॉवर्ड काउंटी स्टेडियम, ब्रोवर्ड काउंटी, फ्लोरिडा

• बांगलादेश वि यूएसए, ग्रँड प्रेरी क्रिकेट स्टेडियम, ग्रँड प्रेरी, टेक्सास

• ऑस्ट्रेलिया विरुद्ध नामिबिया, क्वीन्स पार्क ओव्हल, त्रिनिदाद आणि टोबॅगो

टीम इंडिया आणि बांगलादेश यांच्यात शेवटचा सराव सामना होणार आहे. हा सामना 1 जून रोजी होणार आहे. न्यूयॉर्कमधील नासाऊ काउंटी आंतरराष्ट्रीय क्रिकेट स्टेडियमवर दोन्ही संघ आमनेसामने येतील.