India Tour of Sri Lanka: भारतीय संघ जुलै महिन्याच्या अखेरीस श्रीलंका दौऱ्यावर जाणार आहे. या दौऱ्यात भारतीय संघाला तीन टी२० आणि तीन वनडे सामने खेळायचे आहेत. या मालिकांचे वेळापत्रक यापूर्वीच घोषित झाले होते. मात्र, आता त्यात पुन्हा बदल करण्यात आले आहे.

यापूर्वीच्या वेळापत्रकानुसार २६ जुलैपासून टी२० मालिका सुरू होणार होती, तर १ ऑगस्टपासून वनडे मालिका सुरू होणार होती. मात्र आता बदललेल्या वेळापत्रकानुसार टी२० मालिकेला २७ जुलैपासून सुरुवात होईल, तर २ ऑगस्टपासून वनडे मालिका सुरू होईल.

टी२० मालिकेतील प्रत्येक सामन्याची तारीख एक दिवसाने पुढे ढकलण्यात आली आहे. तसेच वनडे मालिकेतील पहिल्या सामन्याची तारीख बदलण्यात आली आहे.

बदललेल्या वेळापत्रकानुसार २७, २८ आणि ३० जुलै या तीन दिवशी अनुक्रमे टी२० मालिकेतील पहिला, दुसरा आणि तिसरा सामना होईल.

टी२० मालिकेतील सर्व सामने पाल्लेकेले येथे होतील. त्याचबरोबर वनडे मालिकेतील पहिला, दुसरा आणि तिसरा सामना अनुक्रमे २, ४ आणि ७ ऑगस्ट रोजी खेळवले जाणार आहेत. वनडे मालिकेतील सर्व सामने कोलंबोमध्ये होणार आहेत

भारतीय संघ सध्या झिम्बाब्वे दौऱ्यावर आहे. हा दौरा १४ जुलै रोजी संपणार आहे. त्यानंतर भारतीय संघ श्रीलंका दौऱ्यावर जाईल, या दौऱ्यातही काही वरिष्ठ खेळाडूंना विश्रांती दिली जाण्याची शक्यता आहे. या दौऱ्यासाठी लवकरच भारतीय संघाची निवड करण्यात येईल.

टी-२० मालिकेचे वेळापत्रक (भारतीय वेळेनुसार संध्याकाळी सात वाजता सामने सुरू होतील)

• पहिला सामना - २७ जुलै.

• दुसरा सामना - २८ जुलै

• तिसरा सामना - ३० जुलै

एकदिवसीय मालिकेचे वेळापत्रक (भारतीय वेळेनुसार दुपारी २.३० वाजता सामने सुरू होतील.)

• पहिला सामना - २ ऑगस्ट

• दुसरा सामना - ४ ऑगस्ट

• तिसरा सामना - ७ ऑगस्ट