Shubman Gill Fifty Score: भारताचा झिम्बाब्वे दौऱ्यातील टी२० मालिकेतील तिसरा सामना बुधवारी (१० जुलै) पार पडला. या सामन्यात भारतीय संघाकडून कर्णधार शुभमन गिलने अर्धशतकी खेळी केली. याबरोबर एक मोठा विक्रमही केला.
गिलने या सामन्यात नाणेफेक जिंकून प्रथम फलंदाजी करण्याचा निर्णय घेतला. होता. यावेळी आधी गिलने यशस्वी जयस्वालसह सलामीला फलंदाजी करताना ६७ धावांची भागीदारी केली, तर तिसऱ्या विकेटसाठी ऋतुराज गायकवाडबरोबर ७२ धावांची भागीदारी केली. यादरम्यान, गिलने अर्धशतकी खेळी केली.
कर्णधार म्हणून आंतरराष्ट्रीय टी२० क्रिकेटमध्ये गिलचे हे पहिलेच अर्धशतक ठरले. तो ४९ चेंडूत ६६ धावांची खेळी करून बाद झाला. या खेळीमध्ये त्याने ७ चौकार आणि ३ षटकार मारले.
त्यामुळे आंतरराष्ट्रीय क्रिकेटमध्ये गिल कर्णधार म्हणून भारतासाठी सर्वात कमी वयात पहिलं अर्धशतक करणारा दुसऱ्या क्रमांकाचा खेळाडू ठरला आहे. त्याने हे अर्धशतक केले, तेव्हा गिलचे वय २४ वर्षे आणि ३०६ दिवस आहे.
त्याने या विक्रमाच्या यादीत विराट कोहलीला मागे टाकले आहे. विराटने कर्णधार म्हणून २०१७ साली आंतराष्ट्रीय टी२० क्रिकेटमध्ये २८ वर्षे ३०५ दिवस वय असताना श्रीलंकेविरुद्ध पहिले अर्धशतक केले होते.
या विक्रमाच्या यादीत अव्वल क्रमांकावर सुरेश रैना आहे. त्याने २०१० मध्ये झिम्बाब्वेविरुद्धच २३ वर्षे १९८ दिवस वय असताना अर्धशतक केलं होतं.
दरम्यान, या सामन्यात गिल व्यतिरिक्त ऋतुराजनेही चांगली फलंदाजी करताना २८ चेंडूत ४९ धावांची खेळी केली. या खेळीत त्याने ४ चौकार आणि ३ षटकार मारले. तसेच जयस्वालने २७ चेंडूत ३६ धावंची खेळी केली. त्यामुळे भारतीय संघाने २० षटकात ४ बाद १८२ धावा केल्या.
झिम्बाब्वेकडून ब्लेसिंग मुझराबनी आणि कर्णधार सिकंदर रझा यांनी प्रत्येकी २ विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.