England vs India Women Schedule: इंग्लंड क्रिकेट बोर्डाने गुरुवारी(२२ ऑगस्ट) महिला आणि पुरुष संघांचे आगामी आंतरराष्ट्रीय स्पर्धांचे वेळापत्रक घोषित केले आहे. यामध्ये भारतीय महिला संघ करणार असलेल्या इंग्लंड दौऱ्याचाही समावेश आहे.
भारतीय महिला संघ पुढीलवर्षी जूनच्या अखेरीस इंग्लंड दौऱ्यावर जाणार आहे. या दौऱ्यात भारत आणि इंग्लंड या महिला संघांमध्ये ५ टी२० आणि ३ वनडे सामन्यांची मालिका खेळली जाणार आहे.
या दौऱ्याला टी२० मालिकेने सुरुवात होईल. पहिला टी२० सामना २८ जून रोजी खेळला जाणार आहे. हा सामना नॉटिंगहॅमला होईल. त्यानंतर १ जुलैला दुसरा टी२० सामना ब्रिस्टॉलला, ४ जुलै रोजी तिसरा टी२० सामना लंडनला होईल. चौथा टी२० सामना ९ जुलैला मँचेस्टरला, तर पाचवा टी२० सामना १२ जुलैला बर्मिंगहॅमला होणार आहे.
यानंतर वनडे मालिका १६ जुलैला सुरु होणार आहे. पहिला वनडे सामना साऊथॅम्पटनला खेळवला जाईल. त्यानंतर लॉर्ड्सवर दुसरा वनडे १९ जुलैला, तर तिसरा वनडे २२ जुलैला चेस्टर-ल-स्ट्रीटला खेळवला जाणार आहे.
२८ जून - पहिला टी२० सामना; ट्रेंट ब्रिज, नॉटिंगहॅम (संध्या. ७ वा.)
१ जुलै - दुसरा टी२० सामना; ब्रिस्टोल (रात्री ११.०० वा.)
४ जुलै - तिसरा टी२० सामना; द किया ओव्हल, लंडन (रात्री ११.०५ वा.)
९ जुलै - चौथा टी२० सामना; ओल्ड ट्रॅफर्ड, मँचेस्टर (रात्री ११.०० वा.)
१२ जुलै - पाचवा टी२० सामना; एजबस्टन, बर्मिंगहॅम (रात्री.११.०५ वा.)
१६ जुलै - पहिला वनडे; साऊथॅम्पटन, (संध्या. ५.३० वा)
१९ जुलै - दुसरा वनडे; लॉर्ड्स, लंडन, (दुपारी ३.३० वा)
२२ जुलै - तिसरा वनडे; चेस्टर-ल-स्ट्रीट (संध्या. ५.३० वा)
भारतीय पुरुष संघ देखील पुढीलवर्षी जूनमध्ये इंग्लंड दौऱ्यावर जाणार आहे. या दौऱ्यात ५ सामन्यांची कसोटी मालिका होणार आहे. ही कसोटी मालिका २० जून ते ४ ऑगस्ट २०२५ दरम्यान खेळवली जाणार आहे.
२० ते २४ जून - पहिला कसोटी सामना; हेडिंग्ले, लीड्स
२ ते ६ जुलै - दुसरा कसोटी सामना; एजबस्टन, बर्मिंगहॅम
१० ते १४ जुलै, तिसरा कसोटी सामना; लॉर्ड्स, लंडन
२३ ते २७ जुलै - चौथा कसोटी सामना; ओल्ड ट्रॅफर्ड, मँचेस्टर
३१ जुलै ते ४ ऑगस्ट - पाचवा कसोटी सामना; द किया ओव्हल, लंडन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.