IND vs BAN 2^nd T20I Suryakumar Yadav Dance : सूर्यकुमार यादवच्या नेतृत्वाखाली भारतीय संघाने पहिला ट्वेंटी-२० सामना जिंकून मालिकेत १-० अशी आघाडी घेतली आहे. बांगलादेशला ग्वालियर येथील सामन्यात पराभूत केल्यानंतर टीम इंडिया दिल्लीत दाखल झाली आहे. बुधवारी भारत-बांगलादेश सामना दिल्लीतल्या अरुण जेटली स्टेडियमवर होणार आहे. यासाठी भारतीय खेळाडू दिल्लीत दाखल झाले आणि कर्णधार सूर्यकुमार यादवचा भन्नाट डान्स पाहायला मिळाला.

BCCI ने खेळाडूंच्या ग्वालियर ते दिल्ली या प्रवासाचा व्हिडीओ सोशल मीडियावर पोस्ट केला आहे. दुसऱ्या सामन्यासाठी कर्णधार सूर्यासह मुख्य प्रशिक्षक गौतम गंभीर याचे मनोंबल उंचावलेले पाहायला मिळत आहे. या प्रवासात खेळाडू एकमेकांसोबत मज्जामस्करी करताना दिसत आहेत. राजधानीत पोहोचल्यानंतर संघाच्या स्वागतासाठी चाहते विमानतळाबाहेर दिसत आहेत. त्यानंतर हॉटेलमध्ये ढोल ताशांनी स्वागत केले गेले आणि यावेळी सूर्याला नाचण्यापासून स्वतःला रोखता आले नाही.  

भारतीय संघाने पहिल्या ट्वेंटी-२०त ७ विकेट्स व ४९ चेंडू राखून विजय मिळवला. बांगलादेशचे १२८ धावांचे लक्ष्य भारताने ११.५ षटकांत ३ बाद १३२ धावा करून सहज पार केले. अर्शदीप सिंग व वरुण चक्रवर्थी यांनी प्रत्येकी ३ विकेट्स घेऊन बांगलादेशला धक्के दिले. त्यानंतर फलंदाजीत हार्दिक पांड्या ( ३९), संजू सॅमसन ( २९) व कर्णधार सूर्यकुमार यादव ( २९) यांनी कमाल केली.

भारताचा संभाव्य संघ – अभिषेक शर्मा, संजू सॅमसन, सूर्यकुमार यादव, रियान पराग, नितीश कुमार रेड्डी, हार्दिक पांड्या, रिंकू सिंग, वॉशिंग्टन सुंदर, रवी बिश्नोई, हर्षित राणा/मयांक यादव, अर्शदीप सिंग

बांगलादेशचा संभाव्य संघ – लिटन दास, परवेझ होसैन इमोन, तंझीज हसन, नजमूल शांतो, मेहिदी हसन मिराज, तौहिद हृदय, महमुदुल्लाह, रिषद होसैन, तंझिम हसन साकिब, तस्किन अहमद, मुस्ताफिजूर रहमान