Ishan Kishan BCCI Annual Contract esakal
Cricket

Ishan Kishan BCCI : इशान-हार्दिकची गट्टी निवडसमितीला नाही आवडली; बीसीसीआयनं थेट कारवाईच केली

Ishan Kishan BCCI : हार्दिकमुळं इशान किशनला वार्षिक करारातून डच्चू देण्यात आला? अय्यरला देखील केकेआरवरचं प्रेम भोवलं का?

अनिरुद्ध संकपाळ

Ishan Kishan BCCI Annual Contract : बीसीसीआयने नुकतेच वार्षिक करार करण्यात आलेल्या खेळाडूंची यादी जाहीर केली. या यादीत विकेटकिपर बॅट्समन इशान किशन आणि श्रेयस अय्यर यांचा समावेश करण्यात आला नाही. बीसीसीआयने अधिकृत वक्तव्य प्रसिद्ध करत त्यांना वार्षिक करारात समावेश केला नसल्याचं सांगितलं. या दोघांनीही बीसीसीआयचे आदेश धुडकावून मनमानी केल्याचे सांगण्यात आले होते.

मात्र यात अजून एका गोष्टीची भर पडल्याचे इएसपीएन क्रिकइन्फोने दिलेल्या माहितीवरून स्पष्ट होते. क्रिकइन्फोच्या रिपोर्टनुसार निवडसमिती बीसीसीआयला वार्षिक करारात कोणत्या खेळाडूंना घ्यायचं आणि त्यांना कोणत्या श्रेणीत ठेवायचं याचा अहवाल देत असते.

याच निवडसमितीला इशान किशनने मुंबई इंडियन्सचा कर्णधार हार्दिक पांड्यासोबत सराव करणं आवडलं नव्हतं. याचबरोबर अय्यरने देखील मुंबईचे सामने सोडून केकेआरच्या प्री आयपीएल सराव सत्राला हजेरी लावली होती. यानंतर निवडसमितीने आपला अहवाल पाठवला अन् बीसीसीआयने योग्य ती कारवाई केली. (Cricket News In Marathi)

वार्षिक करारातून डच्चू मिळाल्यानंतर आर्थिक नुकसानाव्यतिरिक्त, त्यांना बीसीसीआयच्या अनेक सुविधांपासून देखील मुकावे लागणार आहे. आता अय्यर आणि किशन राष्ट्रीय क्रिकेट अकादमी (NCA) सारख्या BCCI सुविधांचा वापर करू शकणार नाहीत. जर या दोन खेळाडूंच्या राज्य संघटनांनी परवानगी दिली तरच ते NCA ची सुविधा वापरू शकतात.

बीसीसीआयचा वार्षिक करार मिळालेल्या खेळाडूंना विमा संरक्षणही मिळते. जर एखाद्या खेळाडूला राष्ट्रीय संघाकडून खेळत असताना दुखापत झाली अन् तो आयपीएल हंगामाला मुकला तर त्याची आर्थिक नुकसान भरपाई बीसीसीआय देत असते. आता अय्यर आणि इशान किशन या सुविधेला मुकणार आहेत.

(Sports Latest News)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

GST Slab Proposal: कररचनेत ऐतिहासिक बदल! आता जीएसटीत फक्त दोनच दर, केंद्राचा प्रस्ताव मंजूर

Explainer: 'गाझा'वर ताबा मिळवण्यासाठी इस्रायल तयार; पण २० वर्षांपूर्वी सैनिकांना माघारी बोलावण्याची आली होती वेळ

Vajrasana Benefits: जेवल्यावर लगेच करता येणारे एकमेव आसन! जाणून घ्या वज्रासनाचे जबरदस्त फायदे

Charging Port Repair Tips : मोबाइल चार्ज होत नाही? घरच्या घरी 'या' सोप्या ट्रिकने दुरुस्त करा पोर्ट, बघा एका क्लिकवर

Trump Tariff: ट्रम्प टॅरिफचा फटका अमेरिकेलाच बसला! 446 कंपन्या दिवाळखोर; बेरोजगारीही वाढली

SCROLL FOR NEXT