Karnataka Cricketer Passed Away : कर्नाटकचा क्रिकेटपटू होयसाला के याचा सामना सुरू असतानाच ह्रदय विकाराचा झटका आल्याने मृत्यू झाला. बंगळुरूमध्ये एजीस साऊथ झोन स्पर्धा सुरू असताना ही घटना घडली. होयसाला त्वरित बंगळुरूच्या रूग्णालयात दाखल करण्यात आलं होतं. 34 वर्षाचा हा क्रिकेटपटू तमिळनाडूविरूद्ध खेळत होता.

सामन्यादरम्याान होयसाला हा संघासोबत डिनर करण्यासाठी गेला होता. त्यावेळी तो अचानक जमिनीवर कोसळला. वैद्यकीय टीमने त्याला त्वरित सीपीआर देऊन त्याचं ह्रदय पुन्हा सुरू करण्याचा प्रयत्न केला. मात्र होयासालाने प्राथमिक उपचारांना कोणतीही प्रतिक्रिया दिली नाही. त्यानंतर त्याला रूग्णवाहिकेतून त्वरित रूग्णालयात नेण्यात आलं. त्याच्या कुटुंबीयांना देखील कळवण्यात आलं होतं.

मात्र होयसालाला रूग्णालयात दाखल करेपर्यंत उशीर झाला होता. डॉक्टरांनी त्याला मृत घोषित केलं. 34 वर्षाचा होयसाला हा एक गुणवान खेळाडू होता. त्याने 25 वर्षाखालील स्पर्धेत कर्नाटकचं प्रतिनिधित्व केलं होतं. तो कर्नाटक प्रीमियर लीगमध्ये शिवमोगा लायन्सकडून खेळला होता.

(Sports Latest News)