India 'A' Women announce squad for Australia tour : भारत अ व ऑस्ट्रेलिया अ यांच्यामध्ये तीन टी-२०, तीन एकदिवसीय व एक चारदिवसीय सामन्यांची मालिका खेळवण्यात येणार आहे. या मालिकेसाठी भारताच्या महिला निवड समितीकडून रविवारी संघाची घोषणा करण्यात आली. मिन्नू मणी हिच्याकडे नेतृत्वाची धुरा सोपवण्यात आली असून श्‍वेता सेहरावत हिची उपकर्णधार म्हणून निवड करण्यात आली आहे.

भारत अ - ऑस्ट्रेलिया अ यांच्यामधील मालिका ७ ऑगस्ट ते २५ ऑगस्ट या दरम्यान खेळवण्यात येणार आहे. टी-२० मालिका ब्रिस्बेनमधील ॲलन बॉर्डर फिल्ड येथे खेळवण्यात येईल. एकदिवसीय मालिका मॅके येथे पार पडेल. तसेच चार दिवसीय सामना गोल्ड कोस्ट येथे आयोजित करण्यात आला आहे.

भारतीय महिला अ संघ ­­: मिन्नू मणी (कर्णधार), श्‍वेता सेहरावत (उपकर्णधार), प्रिया पुनिया, शुभा सतीश, तेजल हसबनीस, किरण नवगिरे, सजना सजीवन, उमा छेत्री (यष्टिरक्षक), शिप्रा गिरी (यष्टिरक्षक), राघवी बिष्ट, साईका इशाक, मन्नत कश्‍यप, तनुजा कंवर, प्रिया मिश्रा, मेघना सिंग, सायली सतघारे, एस. यशश्री. (शबनीम शकील हिचा समावेश तंदुरुस्तीवर अवलंबून). पर्यायी खेळाडू ­­: साईमा ठाकोर.

भारत अ - ऑस्ट्रेलिया अ मालिकेचे वेळापत्रक

• पहिली टी-२० - ७ ऑगस्ट

• दुसरी टी-२० - ९ ऑगस्ट

• तिसरी टी-२० - ११ ऑगस्ट

• पहिली वनडे - १४ ऑगस्ट

• दुसरी वनडे - १६ ऑगस्ट

• तिसरी वनडे - १८ ऑगस्ट

• चारदिवसीय सामना - २२ ते २५ ऑगस्ट