IPL 2025 Mega Auction Mumbai Indians may release 5 player - इंडियन प्रीमिअर लीग २०२५ ची उत्सुकता आतापासूनच शिगेला पोहोचली आहे. हार्दिक पांड्याच्या नेतृत्वाखाली मागील पर्वात मुंबई इंडियन्सला चांगली कामगिरी करता आलेली नाही. त्याला कॅप्टन बनवल्यामुळे चाहत्यांमध्ये नाराजीचा सूर होता आणि त्यात आयपीएल २०२५ पूर्वी मुंबई इंडियन्सची साथ रोहित शर्मा सोडणार असल्याच्या चर्चा आहेत. रोहित ते सूर्यकुमार यादव अशा पाच खेळाडूंना Mumbai Indians रिलीज करू शकतील.

रोहित शर्मा

रोहित शर्माच्या नेतृत्वाखाली मुंबई इंडियन्सने सर्वाधिक ५ आयपीएल जेतेपदं पटकावली. मुंबई इंडियन्स म्हणजे रोहित शर्मा हे समीकरण घट्ट झाले आहे. पण, मागील पर्वात त्याला हटवून हार्दिक पांड्याकडे नेतृत्व सोपवले गेले आणि हिटमॅन नाराज असल्याच्या चर्चा रंगल्या. दरम्यान, रोहित व KKR चा सहाय्यक प्रशिक्षक अभिषेक नायर यांच्यातील नाराजीचा संवाद व्हायरलही झाला होता. त्यामुळे मुंबई इंडियन्स रोहितला रिलीज करू शकतात.

सूर्यकुमार यादव

सूर्यकुमार यादव हा आंतरराष्ट्रीय ट्वेंटी-२० क्रिकेटमधील सर्वोत्तम फलंदाज आहे. त्याची नुकतीच टीम इंडियाच्या ट्वेंटी-२० संघाच्या कर्णधारपदी नियुक्ती केली गेली आहे. त्यामुळे आयपीएलमध्ये तो हार्दिकच्या नेतृत्वाखाली खेळेल का? हा प्रश्न आहे. त्यामुळे सूर्यकुमार यादव मुंबई इंडियन्सची साथ सोडेल अशी शक्यता आहे.

तिलक वर्मा

भारतीय क्रिकेटमधील उगवता तारा म्हणून तिलक वर्माकडे पाहिले जात आहे. आयपीएल २०२४ मध्ये त्याने १३ सामन्यांत ४१६ धावा केल्या आहेत. तिलक हा रोहितच्या खूप जवळचा आहे आणि जर माजी कर्णधार फ्रँचायझीला सोडत असेल तर तिलकही बाहेर पडू शकतो

पियुष चावला

मुंबई इंडियन्ससाठी मागील काही वर्षात सर्वोत्तम कामगिरी करणाऱ्यांमध्ये पियुष चावला हे एक नाव आहे. मुंबईचा प्रमुख फिरकीपटू तो आहे, परंतु मुंबई इंडियन्स त्याला रिलिज करू शकतात. त्याच्याजागी युवा खेळाडू घेण्याचा त्यांचा मानस असेल.

अर्जुन तेंडुलकर

अर्जुन तेंडुलकर आयपीएल २०२१ पासून मुंबई इंडियन्ससोबत आहे. पण, त्याला पुरेशी संधी मिळालेली नाही. त्याला फ्रँचायझी रिलीज करू शकते.