Abhishek Nayar Cricket Sex : आयपीएल 2024 च्या हंगामात कोलकाता नाईट रायडर्सने आपलं तिसरं विजेतेपद पटकावलं. यानंतर केकेआरच्या कोचिंग टीममधील एक महत्वाचा व्यक्ती अभिषेक नायरची यूट्यूबर रणवीर अलाहबादियाने मुलाखत घेतली. या मुलाखतीत अभिषेक नायरला रणवीरने अनेक भन्नाट प्रश्न विचारले.

रणवीरने अभिषेकला क्रिकेटमध्ये सेक्सची भुमिका काय आहे. खेळाडूंच्या जिवनावर याचा कसा परिणाम होतो असा प्रश्न विचारला.

या प्रश्नाचं उत्तर देताना अभिषेक म्हणाला की, 'हा प्रश्न तुम्ही सकारात्मक स्वरूपात विचारत आहात की नकारात्मक स्वरूपात? तुम्ही खूप ओपन एन्डेड प्रश्न विचारला आहे. कोणताही व्यक्ती याच्याशिवाय कसं राहू शकतो. हे चांगली की वाईट हा तुमचा प्रश्न आहे किंवा तुम्हाला हे किती प्रमाणात होतं असं विचारायचं आहे?

अभिषेकचं भन्नाट उत्तर

अभिषेक यानंतर पुढे म्हणाला की, 'मी या प्रश्नाचे उत्तर देऊ इच्छितो. मात्र त्यानंतर यावर तुमचं उत्तर काय येतं हे देखील मला जाणून घ्यायचं आहे. कोणासाठी देखील ही गोष्ट खूप सामन्य आहे. प्रत्येकासाठी ही गोष्ट खूप वेगळी असते. प्रत्येक क्रिकेटपटूच्या डोक्यात या विषयाला घेऊन सतत एक लाढाई सुरू असते. तो द्विधा मनस्थितीत असतो. काहींना ही गोष्ट चांगली वाटेल, काहीजण यापासून दूर राहतील. याचा एक असा नियम नाहीये.'

अभिषेकने केकेआरच्या युवा खेळाडूंवर केलं काम

अभिषेक नायरनं केकेआरच्या युवा खेळाडूंवर प्रचंड काम केलं आहे. अभिषेक हा सहाय्यक कोच आहे. त्याचबरोबर तो केकेआरच्या क्रिकेट अकादमीचा मुख्य प्रशिक्षक आहे. अंग्रिश रघुवंशी या युवा भारतीय खेळाडूच्या वडिलांनी इन्स्टाग्रावरून नायरचे आभार मानले होते.

त्यांनी लिहिलं की, 'प्रिय अभिषेक सर तुम्ही आम्हाला पहिल्यांदा एक गोष्ट सांगितली होती. तुम्ही अंग्रिशला आधी चांगला व्यक्ती आणि त्यानंतर चांगला क्रिकेटर करण्याचा प्रयत्न करणार असल्याचं सांगितलं होते. असं वाटतंय की तुमची योजना काम करत आहे.'

(Cricket News In Marathi)