Wanindu Hasarnga News: भारत-श्रीलंका यांच्यामधील आगामी क्रिकेट मालिकेचे वेळापत्रक गुरुवारी जाहीर करण्यात आले. उभय देशांमधील ही मालिका श्रीलंकेत पार पडणार आहे.
दोन देशांमध्ये तीन टी-२० सामन्यांची व तीन एकदिवसीय सामन्यांची मालिका खेळवण्यात येणार असून २६ जुलैपासून या मालिकेला प्रारंभ होणार आहे. मात्र त्यापूर्वीच श्रीलंकेला मोठा धक्का बसला आहे.
भारताविरुद्ध मालिकेच्या पार्श्वभूमीवर श्रीलंकेला एक धक्का बसला आहे. अष्टपैलू खेळाडू वनिंदू हसरंगा याने श्रीलंकेच्या टी-२० संघाच्या नेतृत्वपदावरून माघार घेतली आहे. टी-२० विश्वकरंडकात सुमार कामगिरी केल्यामुळे हसरंगा याने नेतृत्व सोडण्याचा निर्णय घेतला आहे, मात्र खेळाडू म्हणून तो संघात कायम राहणार आहे.
भारत-श्रीलंका यांच्यामध्ये २६ जुलैपासून टी-२० मालिकेला प्रारंभ होणार आहे. २६, २७ व २९ जुलै यादरम्यान तीन टी-२० लढती पार पडतील, तसेच १ ऑगस्टपासून दोन देशांमध्ये एकदिवसीय मालिकेला सुरुवात होईल. १, ४ व ७ ऑगस्ट यादरम्यान एकदिवसीय लढती खेळवण्यात येतील. टी-२० लढती पाल्लेकेले व एकदिवसीय लढती कोलंबोमध्ये होणार आहेत.
पहिला सामना - २६ जुलै.
दुसरा सामना - २७ जुलै
तिसरा सामना - २९ जुलै
पहिला सामना - १ ऑगस्ट
दुसरा सामना - ४ ऑगस्ट
तिसरा सामना - ७ ऑगस्ट
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.