दुबई : दुखापतीमुळे गेले तीन महिने क्रिकेटपासून दूर असला तरी सूर्यकुमार यादवने टी-२० प्रकारातील फलंदाजी क्रमवारीत आपले अव्वल स्थान कायम राखले आहे. प्रदीर्घ काळानंतर पुन्हा मैदानात उतरणाऱ्या अफगाणिस्तानच्या रशिद खानने गोलंदाजीच्या क्रमवारीत अव्वल १० गोलंदाजांत स्थान मिळवले.

सूर्यकुमार यादव आयपीएलमधून पुनरागमन करेल; परंतु नेमका तो कधी मैदानात उतरेल हे अनिश्चित आहे; परंतु आंतरराष्ट्रीय मानांकन क्रमवारीत तो ८६१ गुणांसह आघाडीवर आहे. दुसऱ्या स्थानावर असलेला फिल साल्टच्या नावावर ८०२ गुण आहेत.

रशिद खानही बराच काळ दुखापतीमुळे बाहेर होता; परंतु अफगाणिस्तानने आयर्लंडविरुद्धच्या मालिकेत मिळवलेल्या २-१ अशा विजयात रशिद खानने चमकदार कामगिरी केली. मालिकेत त्याने आठ विकेट मिळवल्या.