शनिवारी २९ एप्रिल रोजी पाकिस्तान आणि न्यूझीलँड यांच्यात पाच सामन्यांची वनडे इंटरनॅशनल सीरीजचा दुसरा सामना खेळण्यात आला. या हाय स्कोरींग सामन्यात पाकिस्तानी संघाला विजय मिळाला. पण या सामन्यादरम्यान एखा विचित्र प्रकार झाल्याचं पाहायला मिळालं. असा प्रकार आंतरराष्ट्रीय क्रिकेटमध्ये पहिल्यांदाच झाल्याचं पाहायला मिळालं. पाकिस्तानी संघाने या सामन्यात ३० यार्डच्या वर्तुळासोबत छेडछाड केल्याचे बोलले जात आहे.

रावळपिंडीत वनडे सीरीजचा दुसरा सामना खेळण्यात येत होता. यादरम्यान न्यूझीलँडचा संघ फलंदाजी करत होता. पहिली ओव्हर संपली आणि दुसरी ओव्हर सुरू होणार तेव्हा लक्षात आलं की मैदानातील ३० यार्ड सर्कल व्यवस्थित दिसत नव्हतं. काहीतरी गडबड असल्याची अंपायर्सना चाहूल लागताच त्यांनी हे दुरुस्त करण्याचा निर्णय घेतला. पाकिस्तान संघाचे खेळाडू देखील यामध्ये सामील झाल्याचे पाहायला मिळाले. ओव्हर बदलल्यानंतर लेग अंपायर तेथे पोहले तेव्हा हे सगळा प्रकार उघड झाला.

यानंतर सोशल मीडियावर याचा व्हिडीओ व्हायरल झाला आहे. या व्हिडीओमध्ये दिसत आहे की ३० यार्ड सर्कलमध्ये जवळपास ७ ते ८ मीटरचा फरक होता. याचा थेट परिणाम सामन्यावर होणार होता. मात्र अद्याप यावर पाकिस्तानी क्रिकेट बोर्टाने स्पष्टीकरण दिले नाहीये. नेमकी ही कोणाची चूक आहे याबद्दल अद्याप अधिकृत माहिती मिळालेली नाहीये.

या मैदानावर ३० यार्ड सर्कलसाठी जेथे मार्क असतात तेथे व्हाइट कार्ड टाकण्यात आले नव्हते. ते वेगळ्याच लाइनमध्ये टाकण्यात आले होते. जे ३० यार्डच्या खूप बाहेर होते. आता प्रश्न उपस्थित केला जातो आहे की हा खोडसाळपाणा होता की आणखी काही?