सिडनी : ऑस्ट्रेलियाने अ‍ॅशेस मालिकेवर 3 - 0 असा कब्जा मिळवला आणि अ‍ॅशेस (Ashes) पुन्हा आपल्याकडेच राखल्या. यंदाच्या मालिकेत सलामीवीर डेव्हिड वॉर्नरच्या (David Warner) बॅटमधून चांगल्या धावा निघाल्या आहेत. त्याने ऑस्ट्रेलियाला चांगली सुरुवात करुन दिली. दरम्यान, डेव्हिड वॉर्नर प्रमाणेच त्याची मुलगी (David Warner Daughter) देखील फटकेबाजी करण्यात तरबेज आहे. नुकताच तिने मेलबर्न क्रिकेट ग्राऊंडवर फलंदाजीचा आनंद लुटला.

जैसा बाप वैसी बेटी... डेव्हिड वॉर्नरची मुलगी इंडी (Indi) आपल्या वडिलांप्रमाणाचे फटकेबाजीत तरबेज आहे. खुद्द डेव्हिड वॉर्नरने आपली मुलगी इंडीने मेलबर्न क्रिकेट ग्राऊंडवर केलेल्या फटकेबाजीचा व्हिडिओ आपल्या सोशल मीडिया अकाऊंटवर पोस्ट केला आहे.

इंडी (Indi) ही डेव्हिड वॉर्नर आणि कॅडीस यांची दुसऱ्या क्रमांकाची मुलगी आहे. ती एमसीजीवर फलंदाजी करत होती. हा व्हिडिओ वॉर्नरने पोस्ट करत त्याला 'इंडीने एमसीजीवर (MCG) आपला पहिला फटका लगावला.' असे कॅप्शन दिले. (David Warner Daughter)

डेव्हिड वॉर्नरने अ‍ॅशेस मालिकेत (Ashes Series) आतापर्यंत खेळल्या गेलेल्या तीन सामन्यातील चार डावत 240 धावा केल्या आहेत. त्याने गाबा कसोटीत पहिल्या डावात 94 धावांची खेळी केली. तर अ‍ॅडलेड कसोटी पहल्या डावात 95 तर दुसऱ्या डावात 13 धावांची खेळी केली. याचबरोबर मेलबर्न कसोटीत देखील 38 धावांची खेळी केली.