T20 World Cup Dawid Malan : टी-20 वर्ल्ड कप 2022 चा दुसरा सेमीफायनल सामना टीम इंडिया आणि इंग्लंड यांच्यात 10 नोव्हेंबरला अॅडलेडच्या मैदानावर खेळला जाणार आहे. या सामन्यापूर्वी क्रिकेट चाहत्यांसाठी एक वाईट बातमी समोर आली आहे. भारताविरुद्धच्या उपांत्य फेरीपूर्वी इंग्लंडला मोठा धक्का बसला आहे. अलीकडेच श्रीलंकेविरुद्धच्या सामन्यात इंग्लिश संघाचा स्टार फलंदाज डेव्हिड मलान दुखापतग्रस्त झाला होता. दुखापतीमुळे डेव्हिड मलानला भारताविरुद्ध खेळणे कठीण झाले आहे. क्षेत्ररक्षणादरम्यान त्याला दुखापत झाली होती.

डेव्हिड मलानच्या दुखापतीवर त्याचा सहकारी मोईन अलीने मोठा अपडेट दिला आहे. मोईन अली म्हणाला की, डेव्हिड मलान गेल्या अनेक वर्षांपासून आमचा सर्वोत्कृष्ट खेळाडू आहे. मला माहीत नाही, पण खरे सांगायचे तर, त्याची तब्येत बरी नाही. तो काल स्कॅनसाठी गेला होता आणि जेव्हा तो आला तेव्हा आम्हाला फार बोला नाही.

T20 विश्वचषकासाठी इंग्लंड संघ -

जोस बटलर (कर्णधार), मोईन अली, जॉनी बेयरस्टो, हॅरी ब्रूक, सॅम करन, ख्रिस जॉर्डन, लियाम लिव्हिंगस्टोन, डेव्हिड मलान, आदिल रशीद, फिल सॉल्ट, बेन स्टोक्स, रीस टोपले, डेव्हिड विली, ख्रिस वोक्स, मार्क वुड.

ट्रॅव्हल रिजर्व्ह: टायमल मिल्स, लियाम डॉसन आणि रिचर्ड ग्लेसन