भारतीय संघ दक्षिण आफ्रिकेविरुद्धचा चौथा टी-२० सामना खेळण्यासाठी राजकोटमध्ये दाखल झाला आहे. आज हा सामना खेळवण्यात येणार आहे. भारतीय संघाला मालिकेत टिकायचे असेल तर चौथा टी२० सामना जिंकावा लागेल. दरम्यान, सध्या फॉर्मात असणाऱ्या दिनेश कार्तिकचा एक व्हिडीओ सोशल मीडियावर व्हायरल होताना दिसत आहे.
व्हायरल होणाऱ्या व्हिडीओमध्ये कार्तिक धुराच्या मधूनच एंट्री घेत आहे. हा व्हिडिओ विमानातील असून यामध्ये भारतीय संघाचे इतर खेळाडूही दिसत आहेत. कार्तिकची एन्ट्री पाहून सर्वजण टाळ्या वाजवत आहेत. हा व्हिडीओ शेअर करताना कार्तिकने खास कॅप्शनदेखील दिली आहे. ‘तोंडी परिक्षेच्या रूममधून बाहेर येत असलेला रोल नंबर एक’ असे कार्तिकने कॅप्शनमध्ये म्हटले आहे.
कार्तिकचा हा व्हिडीओ सध्या सोशल मीडियावर तुफान व्हायरल होताना दिसत आहे. हा व्हिडीओ पाहून चाहते कार्तिकची तुलना शाहरुख खानसोबत करत आहेत. किंग खानने त्याच्या ‘रईस’ चित्रपटात अशीच एन्ट्री केली होती.
कार्तिक तीन वर्षानंतर टीम इंडियाच्या ताफ्यात दाखल झाला आहे. दक्षिण अफ्रिकेविरुद्ध झालेल्या पहिल्या तीन सामन्यात कार्तिकने एक रन, दुसऱ्या सामन्यात नाबाद ३० तर तिसऱ्या सामन्यात ८ चेंडूवर ६ धावा केल्या आहेत.
त्याने गेल्या आयपीएल हंगामात १८३.३३ च्या स्ट्राइक रेटने आणि ५५ च्या सरासरीने ३३० धावा केल्या. कार्तिक १६ डावात फलंदाजीला आला आणि गोलंदाज त्याला फक्त ६ वेळा बाद करू शकला. त्याला आयर्लंड दौऱ्यासाठी यष्टिरक्षक म्हणून संघात स्थान मिळाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.