ENG vs NZ: इंग्लंड आणि न्यूझीलंड यांच्यात खेळल्या गेलेल्या कसोटी मालिकेतील शेवटच्या सामन्यात यजमानांनी शानदार विजय नोंदवत पाहुण्या संघाचा 3-0 असा धुव्वा उडवला. ही कसोटी मालिका ICC जागतिक कसोटी चॅम्पियनशिपच्या 2021-23 अंतर्गत खेळली गेली, ज्यामध्ये इंग्लंड संघाचे नेतृत्व बेन स्टोक्सने केले.(eng vs nz 3rd test england win new zealand by 7 wickets)

कर्णधार बेन स्टोक्स आणि प्रशिक्षक ब्रेंडन मॅक्युलम यांनी संघाचे नशीब बदलण्याचे काम केले आहे. यापूर्वी इंग्लंडच्या संघाला पराभवाचा सामना करावा लागत होता, पण आता इंग्लंडच्या संघाने वर्ल्ड टेस्ट चॅम्पियन न्यूझीलंडचा 3-0 असा पराभव करून चमत्कार केला आहे. चौथ्या डावात जवळपास 300 धावांच्या लक्ष्याचा पाठलाग करणे कधीही सोपे नसते. पण इंग्लंड संघाने गेल्या दोन सामन्यांमधील तुफानी कामगिरी पुन्हा एकदा केली ज्यामुळे विजय मिळवला.

बर्मिंगहॅममध्ये खेळल्या गेलेल्या तिसऱ्या सामन्याबद्दल बोलायचे झाल्यास, न्यूझीलंडने नाणेफेक जिंकून फलंदाजीचा निर्णय घेतला, आणि संघाने प्रथम फलंदाजी करताना 329 धावा केल्या, ज्यामध्ये डॅरिल मिशेलच्या शतकाचा समावेश होता. त्याचवेळी इंग्लंडच्या संघाने पहिल्या डावात 360 धावा केल्या आणि 31 धावांची किरकोळ आघाडी घेतली. यात जॉनी बेअरस्टोच्या 162 आणि जेमी ओव्हरटनच्या 97 धावांचा समावेश होता. न्यूझीलंडच्या संघाने दुसऱ्या डावात एकूण 326 धावा केल्या. अशाप्रकारे इंग्लंडला विजयासाठी 296 धावांचे लक्ष्य मिळाले, जे इंग्लंड संघाने 54.2 षटकात 3 गडी गमावून पूर्ण केले.