लंडन : इंग्लंडचा डावखुरा फिरकी गोलंदाज जॅक लीच दुखापतीमुळे भारताविरुद्धच्या उर्वरित तीन कसोटी सामन्यांना मुकणार आहे. गुडघ्याच्या दुखापतीमुळे त्याला माघार घ्यावी लागत आहे, अशी माहिती इंग्लंड व वेल्स क्रिकेट मंडळाकडून रविवारी देण्यात आली.
जॅक लीचच्या अनुपस्थितीमुळे आता इंग्लंड संघाकडे फिरकी गोलंदाजांच्या रूपात टॉम हार्टली, रेहान अहमद, शोएब बशीर हे तीनच पर्याय उपलब्ध आहेत. जॅक लीचऐवजी पर्यायी खेळाडूची निवडही करण्यात आलेली नाही.
ज्यो रूट याच्याकडे पार्टटाईम फिरकी गोलंदाज म्हणून बघितले जात आहे. जॅक लीच याला हैदराबाद येथे झालेल्या पहिल्या कसोटीत दुखापत झाली होती. त्यामुळे विशाखापट्टण येथील दुसऱ्या कसोटीत तो खेळू शकला नाही. दरम्यान, जॅक लीच याने ३६ कसोटींमधून १२६ विकेट घेतल्या आहेत.
इंग्लंड व वेल्स क्रिकेट मंडळाकडून याप्रसंगी सांगण्यात आले की, इंग्लंडचा संघ सध्या अबुधाबी येथे आहे. जॅक लीच येथूनच थेट मायदेशी अर्थातच इंग्लंडला रवाना होणार आहे. इंग्लंड व समरसेट यांची वैद्यकीय टीम जॅक लीच याच्या दुखापतीवर लक्ष ठेवून आहे.
तिसरी कसोटी- १५ ते १९ फेब्रुवारी, राजकोट
चौथी कसोटी- २३ ते २७ फेब्रुवारी, रांची
पाचवी कसोटी- ७ ते ११ मार्च, धर्मशाळा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.