कतार : सलग दोन सामने जिंकून गतविजेत्या फ्रान्सचा विश्वकरंडक फुटबॉल स्पर्धेत बाद फेरीतील प्रवेश अगोदरच निश्चित झाला आहे, त्यामुळे उद्या ट्युनिशियाविरुद्धचा सामना त्यांच्यासाठी सराव लढतीसारखाच असेल. ट्युनिशियाचे आव्हान जवळपास संपुष्टात आलेले असल्यामुळे उद्याच्या सामन्यातून एक तरी विजय पदरी पाडण्यासाठी त्यांचा लढा असेल.

विश्वकरंडक स्पर्धेपूर्वी फ्रान्सचे काही प्रमुख खेळाडू जखमी झाल्यामुळे पर्यायी खेळाडूंची मोट बांधून त्यांनी सुरुवात केली. कायलियन एम्बापेच्या शानदार खेळाच्या जोरावर त्यांना बाद फेरी अगोदरच निश्चित करण्यात अडचणी आल्या नाहीत.

उद्याच्या सामन्यात एम्बापेला कदाचित विश्रांती दिली जाऊ शकते किंवा मध्यांतरानंतर राखीव खेळाडूही केले जाऊ शकते.

फ्रान्सचा बाद फेरीतील प्रवेश निश्चित झालेला असला, तरी गटात अव्वल स्थान कायम ठेवण्यावर त्यांचा भर असेल. यासाठी उद्याच्या सामन्यात त्यांना बरोबरीही पुरेशी आहे.

ऑस्ट्रेलियाला संधी

या गटात ऑस्ट्रेलिया आणि डेन्मार्क ही लढत बाद फेरीचा दुसरा संघ निश्चित करणारी असेल. ऑस्ट्रेलियाने दोनपैकी एका सामन्यात विजय मिळवलेला आहे; तर डेन्मार्कची परिस्थिती एक पराभव एक बरोबरी अशी आहे. त्यामुळे बाद फेरीसाठी त्यांना विजय आवश्यकच आहे. बरोबरीही त्यांना पुरेशी ठरणार नाही.

दृष्टिक्षेपात

ऑस्ट्रेलिया आणि डेन्मार्क यांच्या विश्वकरंडक स्पर्धेक एकच लढत; मात्र ती बरोबरीत

या दोन संघांत एकूण चार आंतरराष्ट्रीय सामने. त्यात डेन्मार्कचे दोन; तर ऑस्ट्रेलियाचा एक विजय

ऑस्ट्रेलिया विश्वकरंडक स्पर्धेत प्रथमच सलग दोन सामने जिंकण्यासाठी प्रयत्नशील

एरिक्सनवर सर्वांचे लक्ष