17 वर्षीय भारतीय ग्रँडमास्टर आर प्रज्ञानंदा (Rameshbabu Praggnanandhaa) ने मियामी येथे सुरू असलेल्या FTX क्रिप्टो कपमध्ये पाच वेळा जागतिक बुद्धिबळ चॅम्पियन असलेल्या मॅग्नस कार्लसन (Magnus Carlsen) चा पराभव केला. मागील सहा महिन्यांत त्यांने तिसऱ्यांदा विश्वविजेत्या कार्लसनचा पराभव केला आहे. ने कार्लसनला ब्लिट्झ टायब्रेकमध्ये पराभूत केले. मात्र, या विजयानंतरही कार्लसनने अधिक गुणांमुळे एफटीएक्स क्रिप्टो कप विजेतेपद पटकावले. तर प्रज्ञानंदा हा दुसऱ्या क्रमांकावर राहिला.

प्रज्ञानंदाने कार्लसनकडून सलग तीन गेम जिंकले, त्यात टायब्रेकमधील दोन गेमचा समावेश होता. कार्लसन आणि प्रग्नंदा यांच्यातील पहिले दोन सामने अनिर्णित राहिले. कार्लसनने तिसरा गेम जिंकला पण भारतीय खेळाडू प्रज्ञानंदाने हार न मानता चौथा गेम जिंकून सामना टायब्रेकरवर खेचला. यानंतर टायब्रेकरमध्ये दोन्ही गेम जिंकून भारतीय खेळाडूने कार्लसनला चकित केले.

कार्लसनवर विजय मिळवूनही भारताच्या 17 वर्षीय प्रज्ञानंदाने या स्पर्धेत दुसरे स्थान पटकावले. नॉर्वेचा खेळाडू पाच वेळा वर्ल्ड चॅम्पियन मॅग्नस कार्लसनने सर्वाधिक गुण मिळवत विजेतेपद पटकावले. त्याने एकूण 16 गुण मिळवले तर प्रज्ञानानंदने 15 गुणांसह दुसरे स्थान मिळवले.