नवी दिल्ली : भारताची महिला सेलिंगपटू नेत्रा कुमानन हिने स्पेनमधील सेलिंग चॅम्पियनशिप जिंकण्याचा पराक्रम करून दाखवला. नेत्रा कुमानन हिने ग्रॅन कनारिया सेलिंग चॅम्पियनशिपमधील रेसर रेडीयल प्रकारात सुवर्ण पदकावर मोहोर उमटवली.

टोकियो ऑलिंपिकमध्ये प्रवेश मिळवणारी नेत्रा कुमानन ही भारताची पहिलीच महिला सेलिंगपटू ठरली आहे. स्पेनमध्ये आयोजित करण्यात आलेल्या स्पर्धेत तीन देशांतील २० स्पर्धकांनी सहभाग घेतला होता. नेत्रा कुमानन हिने तीन शर्यतींमध्ये बाजी मारली. तसेच अखेरच्या दोन शर्यतींमध्ये तिने अनुक्रमे तिसरा व चौथा क्रमांक पटकावला.

दरम्यान, याआधी पार पडलेल्या टोकियो ऑलिंपिकमध्ये नेत्रा कुमानन हिला आपला ठसा उमटवता आला नव्हता. ४४ खेळाडूंमधून तिला ३५व्या स्थानावरच समाधान मानावे लागले होते.