आयपीएलच्या 15 व्या हंगामाला 26 मार्चपासून सुरूवात होणार आहे. या वर्षीच्या हंगामात दहा संघ स्पर्धेत सहभागी असणार आहेत. यावर्षी एकूण 74 सामने खेळले जाणार आहेत. सर्व संघाचे सामने दोन गटात होणार आहेत.

गुजरात टायटन्स हा संघ आयपीएलमध्ये पहिल्यांदाच दिसणार आहे. हार्दिक पंड्याला गुजरात टायटन्सने कर्णधार म्हणून निवडले आहे. गुजरात टायटन्सने हार्दिकसाठी तब्बल 15 कोटी रूपये मोजले आहेत. भारताच्या काही सामन्यात तो संघाबाहेर होता.

आयपीएलसाठी हार्दिक पांड्या खुप मेहनत घेत आहे. कोच भारतीय माजी गोलंदाज आशीष नेहरा सोबत गोलंदाजीचा सराव करत आहे. लेग स्पिनर राशीद खान,युवा फलंदाज शुभमन गिल अशा गुजरातच्या खेळाडूंचा बडोद्याच्या मैदानावर सराव सुरू आहे. अभिनव मनोहर, दर्शन नालकांडे,वरून आरोन हे गुजरात संघाचे कोच सराव करून घेत आहेत.

ट्रेनिंग कॅम्प अहमदाबादमध्ये असण्याची शक्यता आहे.अहमदाबाद येथील नरेंद्र मोदी स्टेडियमवर हा संघ सराव करणार असल्यास समजते. मोहमद शमी,लॉकी फर्ग्युसन हे दिग्गज खेळाडु संघात आहेत. राहुल तेवतिया, विजय शंकर,डेविड मिलर,मॅथ्यू वेड असे खेळाडू या संघातून खेळणार आहेत.