Harry Brook : न्यूझीलंड आणि इंग्लंड यांच्यातील कसोटी मालिकेतील दुसरा सामना विल्मिंग्टन येथे खेळला जात आहे.

या सामन्यात इंग्लंडच्या हॅरी ब्रूकने आपल्या झंझावाती कामगिरीच्या जोरावर भारताचा माजी फलंदाज विनोद कांबळीचा वर्षानुवर्षे जुना विक्रम मोडीत काढला आहे.

ब्रूकने कारकिर्दीच्या सुरुवातीला 9 कसोटी डावांत 800 हून अधिक धावा केल्या आहेत. अशाप्रकारे विक्रम करणारा ब्रूक पहिला खेळाडू ठरला आहे.

नाणेफेक गमावल्यानंतर प्रथम फलंदाजी करणाऱ्या इंग्लंडची सुरुवात खराब झाली. सलामीवीर चेक क्रोली अवघ्या 2 धावा करून बाद झाला. यानंतर बेन डकेटने 9 धावा केल्या.

ओली पॉप 6 चेंडूत 10 धावा करून बाद झाला. मात्र जो रूट आणि हॅरी ब्रूक यांनी शानदार प्रदर्शन करत सामन्याचं चित्रचं बदलून टाकलं.

हॅरी ब्रूक हा आपल्या कारकिर्दीतील पहिल्या 9 कसोटी डावात 800 किंवा त्याहून अधिक धावा करणारा पहिला खेळाडू ठरला आहे. त्याने आतापर्यंत 9 डावात 4 शतके आणि 3 अर्धशतके केली आहेत. यासह 807 धावा झाल्या आहेत.

ब्रूकच्या आधी हा विक्रम कांबळीच्या नावावर होता. त्याने 9 कसोटी डावांमध्ये सर्वाधिक 798 धावा केल्या. यादरम्यान त्याने चार शतके आणि दोन द्विशतके झळकावली होती.

ब्रूकने 800 हून अधिक धावा करून अनेक दिग्गजांना मागे सोडले असून, या यादीत सुनील गावस्कर यांच्या नावाचाही समावेश आहे. गावस्कर यांनी 9 डावात 778 धावा केल्या आहेत. तर, एव्हर्टन वीक्सने 9 डावात 777 धावा केल्या आहेत.