मस्कट : हाँगकाँगचा संघ यंदाच्या आशियाई करंडकासाठी पात्र ठरणारा सहावा देश ठरला आहे. हाँगकाँग संघाने पात्रता फेरीच्या अखेरच्या लढतीत अमिराती संघाला ८ गडी व ६ चेंडू राखून पराभूत केले आणि मुख्य फेरीत प्रवेश केला. आता त्यांच्यासमोर अ गटात भारत व पाकिस्तान या बलाढ्य देशांचे आव्हान असणार आहे. (Hong Kong Qualified for Asia cup cricket tournament India)

आशियाई करंडकाच्या मुख्य फेरीला २७ ऑगस्टपासून सुरुवात होणार आहे. त्याआधी पात्रता फेरीचे आयोजन करण्यात आले होते. या पात्रता फेरीमध्ये हाँगकाँग, कुवेत, अमिराती व सिंगापूर या चार देशांचा समावेश होता. हाँगकाँगने तिन्ही लढती जिंकून ६ गुणांसह पहिले स्थान पटकावले आणि मुख्य फेरीची पात्रता मिळवली. कुवेतचा संघ ४ गुणांसह दुसऱ्या स्थानावर राहिला. हाँगकाँगने पात्रता फेरीतील अखेरच्या लढतीत अमिरातीवर विजय साकारत आगेकूच केली. अमिरातीकडून मिळालेले १४८ धावांचे आव्हान हॉंगकाँगने २ गडी गमावत ओलांडले.

गटवारी

अ - भारत, पाकिस्तान, हाँगकाँग

ब - श्रीलंका, बांगलादेश, अफगाणिस्तान

प्राथमिक साखळी फेरीच्या लढती

• २७ ऑगस्ट - अफगाणिस्तान - श्रीलंका

• २८ ऑगस्ट - भारत-पाकिस्तान

• ३० ऑगस्ट - अफगाणिस्तान - बांगलादेश

• ३१ ऑगस्ट - भारत- हाँगकाँग

• १ सप्टेंबर - बांगलादेश- श्रीलंका

• २ सप्टेंबर - पाकिस्तान- हाँगकाँग