Team India T20 WC : भारतीय संघाचा टी-20 विश्वचषक स्पर्धेतील प्रवास संपुष्टात आला आहे. गुरुवारी झालेल्या उपांत्य फेरीच्या सामन्यात इंग्लंडने भारतीय संघाचा 10 गडी राखून पराभव केला. या पराभवाने कोट्यवधी भारतीय चाहते नाराज झाल्या. 13 नोव्हेंबरला आता इंग्लंडचा सामना पाकिस्तानशी होणार आहे. उपांत्य फेरीच्या सामन्यात पराभव पत्करावा लागला असला तरी टीम इंडियाला बंपर बक्षीस रक्कम मिळणार आहे.

भारतीय संघाला उपांत्य फेरीत पोहोचण्यासाठी प्रथम $400,000 मिळतील. यासोबतच सुपर-12 टप्प्यातही टीम इंडियाने पाच पैकी चार सामने जिंकले होते, त्यामुळे एक लाख साठ हजार डॉलर्सची बक्षीस रक्कम मिळणार आहे. म्हणजेच टी-20 विश्वचषकात भारताला एकूण 4.51 कोटी रुपये ($560,000) बक्षीस रक्कम मिळणार आहे.

हेही वाचा: हिंदी चित्रपटांत का वाढते आहे हिंदुत्वाची कट्टरता?

आयसीसीने टी-20 वर्ल्ड सुरू होण्यापूर्वीच बक्षिसाची रक्कम जाहीर केली होती. टी-20 विश्वचषक स्पर्धेसाठी एकूण $5.6 दशलक्ष (रु. 45.14 कोटी) ची बक्षीस रक्कम निश्चित करण्यात आली आहे. जी सर्व 16 संघांमध्ये वेगवेगळी वाटली जाणार आहे. यानुसार टी-20 विश्वचषक विजेत्या संघाला $1.6 दशलक्ष (रु. 12.89 कोटी), उपविजेत्या संघाला $8 लाख दशलक्ष (रु. 6.44 कोटी) मिळतील. उपांत्य फेरीत पराभूत झालेल्या उर्वरित दोन संघांना 4-4 लाख डॉलर्स दिले जाणार आहेत.

सुपर-12 स्टेजमधून बाहेर पडलेल्या 8 संघांनाही आयसीसीकडून बक्षीस मिळणार आहे. या संघांना 70 हजार डॉलर्स दिले जातील, तर गेल्या टी-20 विश्वचषकात ही रक्कम 40 हजार डॉलर्स होती. पात्रता फेरीतूनच बाहेर पडलेल्या चार संघांना $40,000 दिले जाणार आहेत. तर पहिल्या फेरीतील विजयावर 40 हजार डॉलर्सची तरतूद होती.