ODI World Cup 2023 : आयसीसी क्रिकेट एकदिवसीय विश्वचषक 2023 सुरू होण्यासाठी दोन महिन्यांहून कमी कालावधी राहिला आहे. यावेळचा विश्वचषक भारतात आयोजित केला जाणार आहे, हे सर्वांनाच माहित आहे. बीसीसीआय आणि आयसीसीने विश्वचषकाचे वेळापत्रक यावेळी उशिरा जाहीर केले, पण नंतर सुरक्षा आणि इतर कारणांमुळे वेळापत्रकात बदल करण्यात आला.

त्यावेळी भारत-पाकिस्तानसह नऊ सामन्यांचे वेळापत्रक बदलण्यात आले. आता पुन्हा एकदा हैदराबाद क्रिकेट असोसिएशनने वर्ल्डकपच्या वेळापत्रकावर चिंता व्यक्त केली, त्यामुळे बीसीसीआय टेन्शनमध्ये आली आहे. एचसीएने पुन्हा एकदा वेळापत्रकात बदल करण्याची मागणी केली. त्यामुळे पाकिस्तानच्या सामन्यात बदल होऊ शकतो.

हैदराबाद क्रिकेट असोसिएशनने बीसीसीआय कळवले आहे की त्यांना मागील काही दिवसांत विश्वचषक सामने आयोजित करणे कठीण होऊ शकते. 9 ऑक्टोबरला हैदराबादच्या राजीव गांधी स्टेडियमवर न्यूझीलंड आणि नेदरलँड्स यांच्यात सामना होणार असून त्याच मैदानावर दुसऱ्याच दिवशी श्रीलंकेचा सामना पाकिस्तानशी होणार आहे.

दोन्ही सामन्यामध्ये अंतर नसल्यामुळे हैदराबाद पोलिसांनी सुरक्षेबाबत चिंता व्यक्त केली आहे. आणि पाकिस्तान आणि श्रीलंका यांच्यातील सामना अधिकाऱ्यांसाठी सर्वात मोठा चिंतेचा विषय आहे. हा सामना आधी 12 ऑक्टोबरला होणार होता. पण अहमदाबादच्या नरेंद्र मोदी स्टेडियमवर 14 ऑक्टोबरला होणारा भारत-पाकिस्तान सामना पुन्हा नियोजित केल्यानंतर सामना पुढे हलवण्यात आला.

जेणेकरून पाक संघाला त्याच्या तयारीसाठी पूर्ण वेळ मिळेल. भारतीय क्रिकेट संघ 8 ऑक्टोबर रोजी चेन्नई येथे ऑस्ट्रेलियाविरुद्ध आपल्या मोहिमेला सुरुवात करेल. विश्वचषकाची तिकिटे अधिकृतपणे 25 ऑगस्टपासून विक्रीसाठी सुरू होतील.