New York India Vs Pakistan : भारत आणि पाकिस्तान यांच्यातील सामन्याचा रोमांच हा जगावेगळाच असतो. मात्र गेल्या बऱ्याच वर्षापासून हा रोमांच फक्त आयसीसी स्पर्धांमध्येच पाहायला मिळत आहे. पुढच्याच महिन्यात वनडे वर्ल्डकपदरम्यान भारत - पाकिस्तान हे दोन कट्टर प्रतिस्पर्धी एकमेकांना भिडणार आहे. यानंतर पुढच्या वर्षी टी 20 वर्ल्डकपमध्येही भारत - पाकिस्तान सामना होण्याची शक्यता आहे.

विशेष म्हणजे हा सामना थेट युनायटेड स्टेट्स ऑफ अमेरिकेतील न्यू यॉर्क शहरात होण्याची शक्यता आहे. यासाठी आयसीसी मोठं प्लॅनिंग देखील करत आहे. 2024 च्या टी 20 वर्ल्डकपचे आयोजन हे वेस्ट इंडीज आणि युएस मिळून करणार आहेत.

(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)

अशा परिस्थितीत अमेरिकेतील भारतीय आणि पाकिस्तानी लोकांची मोठी संख्या पाहता भारत - पाकिस्तान हा सामना न्यू यॉर्क शहरात खेळवण्यात येण्याची शक्यता आहे. आयसीसीने न्यू यॉर्क शहरापासून पूर्वेकडील जवळपास 30 मैल दूर एक 930 एकरात पसरलेल्या आयजनहावर पार्कमध्ये हा सामना खेळवण्याचा घाट घातला आहे.

या पार्कमध्ये जवळपास 34 हजार प्रेक्षक बसू शकतील अशी व्यवस्था केली जाईल. हा सामना पोर्टेबल स्टेडियममध्ये खेळवला जाण्याची शक्यता आहे.

आयसीसी आणि न्यू यॉर्क शहर अधिकाऱ्यांची ब्रॉन्क्स येथे सामना खेळवण्याबाबत चर्चा सुरू होती. मात्र तेथील स्थानिक लोकांनी त्याला विरोध केला आणि एका क्रिकेट लीगमुळे या मनसुब्यांवर पाणी फिरले. त्यानंतर नासाऊ काऊंटीने याचा फायदा उचलला. आयसीसी आता नासाऊ काऊंटीच्या अधिकाऱ्यांशी चर्चा करत आहे.

अमेरिका क्रिकेटची वाढती बाजारपेठ

अमेरिकेत क्रिकेटचा प्रसार करण्यासाठी आयसीसीमध्येच जोर धरू लागला आहे. हा देश जगातील सर्वात माध्यम बाजार असून जगातील सर्वात वेगाने वाढणारा क्रिकेट बाजार देखील आहे. आयसीसी आयोजनासाठी युएस मीडिया राईट्स डॉलरचे मूल्य हे पहिल्या 4 देशांपैकी एक आहे. यामुळेच टी 20 वर्ल्डकपचे सह यजमानपद अमेरिकेला देण्यात आले आहे. भारत - पाकिस्तान सामन्यामुळे अमेरिकेत क्रिकेटच्या वाढीला फायदा होईल.

(Sports Latest News)