Indore Pitch ICC Rating : भारत आणि ऑस्ट्रेलिया यांच्यातील तिसरा कसोटी सामना इंदूरच्या होळकर स्टेडियमवर खेळवण्यात आला. हा सामना अवघ्या अडीच दिवसात संपला. पहिले दोन कसोटी सामने देखील अडीच दिवसात संपले होते. मात्र आयसीसीने तिसऱ्या कसोटीतील इंदूरच्या खेळपट्टीवर कडक शब्दात ताशेरे ओढले. आयसीसीने या खेळपट्टीला 'खराब' असे रेटिंग दिले आहे. आयसीसीने बीसीसीआयला याविरूद्ध 14 दिवसात आपले अपील करण्यास देखील सांगितले आहे.

आयसीसीने आपल्या अधिकृत वक्तव्यात म्हणते, 'आंतरराष्ट्रीय क्रिकेट परिषद आज जाहीर करते की आयसीसी वर्ल्ड टेस्ट चॅम्पियनशिप सिरीजमधील भारत आणि ऑस्ट्रेलिया यांच्यातील तिसऱ्या कसोटीतील होळकर स्टेडियमवरील खेळपट्टी ही खराब होती. हे रेटिंग आयसीसीचे खेळपट्टी आणि आऊटफिल्ड तपासणी प्रक्रियेनुसार देण्यात आले आहे.'

आयसीसीचे सामनाधिकारी ख्रिस ब्रॉड यांनी आपला अहवाल आयसीसीला सादर केला. यावेळी त्यांनी दोन्ही संघाच्या कर्णधारांबद्दलही चर्चा केली. यानंतर आता होळकर स्टेडियमला तीन डीमेरीट पॉईंट्स मिळाले आहेत. हा अहवाल बीसीसीआयला देखील सादर करण्यात आला आहे. यावर बीसीसीआयला 14 दिवसात अपील करता येणार आहे.

ब्रॉड म्हणातात, खेळपट्टी ही खूप शुष्क होती. ही खेळपट्टी गोलंदाजी आणि फलंदाजीमध्ये समतोल निर्माण करत नव्हती. सुरूवातीपासूनच खेळपट्टी ही फिरकीला साथ देत होती. सामन्याच्या पाचव्या चेंडूवरच खेळपट्टीवरून माती उडाली. संपूर्ण सामनाभर असेच सुरू होते. वेगवान गोलंदाजांना कोणतीही मदत मिळत नव्हती. संपूर्ण सामन्याच चेंडू असमान उसळी घेत होता.

(Sports Latest News)

हेही वाचा : बँक खात्याला जोडलेल्या सिमकार्डबाबत बाळगा ही काळजी...