नवी दिल्ली : यंदा भारतात होणाऱ्या आयसीसी वनडे वर्ल्ड कपसाठीचा भव्य चषक समोर आला आहे. विशेष म्हणजे या चषकाचं अनावरण अंतराळातील स्ट्रॅटोस्फेअर अर्थात स्थितांबरात करण्यात आलं आहे. अशा प्रकारे थेट अंतराळातून हा चषक गुजरातमधील अहमदाबादमधील नरेंद्र मोदी स्टेडिअममध्ये भव्य सोहळ्यात अवतरला. (ICC World Cup 2023 trophy unveiled in space stratosphere Watch awesome video)

या चषकाला पृथ्वीपासून १ लाख २० फूट उंचीवर असलेल्या स्थितांबरात सोडताना एका मोठ्या फुग्यावर बांधण्यात आलं. जेव्हा हा फुगा चषकासह अंतराळ सोडण्यात आला तेव्हा त्याला कॅमेरेही जोडले होते. या कॅमेऱ्यांमध्ये काही आश्चर्यकारक फोटोही टिपण्यात आले. या चषकाचा २०२३चा दौरा आजवरचा सर्वात मोठा दौरा असेल. या दौऱ्यादरम्यान जगभरातील विविध देश आणि शहरांमधील नागरिकांना हा प्रतिष्ठित चषक पहायला मिळणार आहे. (Latest Marathi News)

आयसीसीच्या प्रेसनोटनुसार, २७ जूनपासून आयसीसीच्या पुरुष क्रिकेट वर्ल्ड कपच्या चषकाचा आयोजक भारत, कुवैत, बहरीन, मलेशिया, अमेरिका, नायजेरिया, युगांडा, फ्रान्स, इटली आदी १८ देशांचा दौरा असेल. या दौऱ्यात विविध देशांतील नागरिकांना विविध कार्यक्रमांच्या माध्यमातून हा चषक पहायला मिळेल. (Marathi Tajya Batmya)

भारतीय क्रिकेट नियामक मंडळाचे (BCCI) सचिव जय शहा यांनी ट्विट करुन म्हटलं की, अंतराळात CWC23 ट्रॉफीचे अनावरण झाल्यामुळं क्रिकेट जगतासाठी हा जगाबाहेरचा क्षण आहे. अंतराळात पाठवल्या जाणाऱ्या पहिल्या अधिकृत क्रीडा ट्रॉफींपैकी एक होण्याचा हा एक मैलाचा दगड आहे. भारतातील ICC पुरुष क्रिकेट विश्वचषक ट्रॉफी दौर्‍यासाठी खरोखरच एका आकाशगंगेला सुरुवात झाली आहे. (Marathi Tajya Batmya)

क्रिकेटप्रमाणं भारताला इतर दुसरा कुठला खेळ एकत्र ठेवत नाही. वर्ल्डकपसाठी भारतात मोठा उत्साह आहे. कारण आम्ही सहा आठवडे चालणाऱ्या या सोहळ्यात जगातील सर्वश्रेष्ठ १० टीम्सच्या मेजवाणीसाठी सज्ज आहोत. वर्ल्डकपच्या उलट्या गिनतीसह चषकाचा दौरा खास आयोजनाचा भाग बनतो आहे. चषकाच्या दौऱ्याची सुरुवात २७ जूनपासून भारतातून होईल. जगभराचा दौरा केल्यांतर ४ सप्टेंबर रोजी हा चषक आयोजक असलेल्या भारतात परतेल.