IND vs AUS, 3rd Test : भारत आणि ऑस्ट्रेलिया यांच्यात 1 मार्चपासून इंदूर येथे तिसरा कसोटी सामना खेळल्या जाणार आहे. कर्णधार रोहित शर्मा आणि टीम इंडियासाठी एक खेळाडू ही सर्वात मोठी समस्या झाला आहे. केएल राहुल नाही, तर टीम इंडियाच्या एक नव्या खेळाडूला वगळले जाऊ शकते.

ऑस्ट्रेलियाविरुद्ध नागपूर आणि दिल्ली येथे झालेल्या पहिल्या दोन कसोटी सामन्यांमध्ये फ्लॉप कामगिरीमुळे या खेळाडूने आता कर्णधार रोहित शर्माचा विश्वास गमावला आहे. अशा परिस्थितीत या खेळाडूला 1 मार्चपासून इंदूरमध्ये कांगारूंविरुद्धच्या तिसऱ्या कसोटी सामन्यात खेळणे शक्य होणार नाही.

ऑस्ट्रेलियाविरुद्धच्या तिसऱ्या कसोटी सामन्यात कर्णधार रोहित शर्मा टीम इंडियाच्या प्लेइंग इलेव्हनमधून विकेटकीपर फलंदाज केएस भरतला वगळून इशान किशनला संधी देऊ शकतो. ऑस्ट्रेलियाविरुद्ध नागपूर आणि दिल्ली येथे झालेल्या पहिल्या दोन कसोटी सामन्यांमध्ये केएस भरत बॅटने फ्लॉप ठरला आहे. वास्तविक केएस भरत नागपूर आणि दिल्ली कसोटी सामन्यांच्या टर्निंग खेळपट्ट्यांवर विकेटकीपिंग दरम्यान संघर्ष करताना दिसला.

ऋषभ पंत किंवा इशान किशन एका सत्रात सामन्याचा रंग बदलू शकतात, पण केएस भरतच्या फलंदाजीमध्ये कोणताही एक्स-फॅक्टर दिसत नाही. केएस भरत ज्या क्रमांकावर फलंदाजी करतो, तिथे टीम इंडियाला एका स्फोटक फलंदाजाची उणीव भासत आहे. ऑस्ट्रेलियाविरुद्ध नागपूर आणि दिल्ली येथे खेळल्या गेलेल्या पहिल्या दोन कसोटी सामन्यांमध्ये केएस भरतला फलंदाजीत केवळ 8, 6 आणि नाबाद 23 धावा करता आल्या आहेत. मात्र टीम इंडियाला केएस भरतकडून आक्रमक यष्टीरक्षक फलंदाजाची गरज आहे.

इशान किशनचा बॉर्डर-गावसकर मालिकेसाठी यष्टीरक्षक म्हणून टीम इंडियामध्ये समावेश करण्यात आला आहे. ऋषभ पंतच्या अपघातानंतर संघाला खालच्या मधल्या फळीत एका स्फोटक फलंदाजाची गरज होती. यामुळे इशान किशनचा संघात समावेश करण्यात आला होता, मात्र पहिल्या 2 सामन्यात इशान किशनला खेळण्याची संधी मिळाली नाही. तिसऱ्या कसोटीसाठी संघ व्यवस्थापन इशान किशनला यष्टिरक्षक फलंदाज म्हणून आजमावू शकते.