India vs Australia 4th T20 : भारत आणि ऑस्ट्रेलिया यांच्यातील चौथा टी-20 सामना 1 डिसेंबरला रायपूरच्या मैदानावर खेळला जाणार आहे. या मालिकेत भारतीय संघ आधीच 2-1 ने पुढे आहे. टॉप ऑर्डरच्या फलंदाजांनी भारतासाठी चांगली कामगिरी केली आहे.

चौथ्या सामन्यासाठी श्रेयस अय्यर टीम इंडियाच्या संघात परतणार आहे. त्याच्याकडे उपकर्णधारपदाची जबाबदारी देण्यात आली आहे. रायपूरच्या शहीद वीर नारायण सिंह स्टेडियममध्ये अद्याप एकही टी-20 आंतरराष्ट्रीय सामना खेळला गेला नाही. येथे पहिल्यांदाच टी-20 सामना आयोजित केला जाणार आहे. इथली खेळपट्टी कशी असेल जाणून घेऊया...

रायपूरच्या मैदानावर आतापर्यंत फक्त एक वनडे सामना खेळला गेला आहे. त्या सामन्यात भारताविरुद्ध प्रथम फलंदाजी करणाऱ्या न्यूझीलंडचा संघ 108 धावांत ऑलआऊट झाला होता. यानंतर टीम इंडियाने 2 विकेट्स राखून हे लक्ष्य सहज गाठले. या मैदानावर आयपीएल आणि चॅम्पियन्स टी-20 लीगचे अनेक सामने खेळले गेले आहेत.

कशी असेल खेळपट्टी

रायपूरच्या मैदानावर 6 आयपीएल सामने आणि 8 चॅम्पियन्स टी20 लीग सामने खेळले गेले आहेत, ज्यामध्ये फक्त एकदाच असे घडले आहे की एखाद्या संघाने 200 पेक्षा जास्त धावा केल्या आहेत. त्यामुळे गोलंदाजांना खेळपट्टीची मदत मिळेल, अशी पूर्ण आशा आहे.

दुसऱ्या डावात ही खेळपट्टी संथ होते, त्यामुळे या खेळपट्टीवरून फिरकीपटूंना मदत मिळते. पण पाठलाग करणार्‍या संघाला थोडे सोपे होऊ शकते, कारण नंतर दव येते आणि गोलंदाजी करणे कठीण होते. त्यामुळे नाणेफेकीची भूमिका महत्त्वाची ठरते.

भारतीय संघाचा स्टार फलंदाज श्रेयस अय्यर चौथ्या टी-20 सामन्यातून टीम इंडियात परतणार आहे. तो प्लेइंग इलेव्हनमध्ये खेळणार हे जवळपास निश्चित मानले जात आहे. अशा स्थितीत खराब फॉर्मशी झुंजत असलेल्या तिलक वर्माला प्लेइंग इलेव्हनमधून बाहेरचा रस्ता दाखवला जाऊ शकतो.

टी-20 मालिकेसाठी भारतीय संघ :

ऋतुराज गायकवाड, ईशान किशन, सूर्यकुमार यादव (कर्णधार), श्रेयस अय्यर (उपकर्णधार), यशस्वी जैस्वाल, तिलक वर्मा, रिंकू सिंग, जितेश शर्मा (यष्टीरक्षक), वॉशिंग्टन सुंदर, अक्षर पटेल, शिवम दुबे, रवी बिश्नोई, अर्शदीप सिंग, आर. प्रसीध कृष्णा, आवेश खान, मुकेश कुमार, दीपक चहर.