Australia's Mitchell Marsh sits with feet on World Cup trophy : ऑस्ट्रेलियाने सहाव्यांदा आयसीसी एकदिवसीय वर्ल्ड कपचे विजेतेपद पटकावले आहे. रविवारी झालेल्या सामन्यात ऑस्ट्रेलियाने भारताचा सहा गडी राखून पराभव केला. पॅट कमिन्सच्या नेतृत्वाखाली रविवारी झालेल्या अंतिम सामन्यात ऑस्ट्रेलियन संघाने चमकदार कामगिरी केली. ट्रॅव्हिस हेडच्या शतकाच्या जोरावर ऑस्ट्रेलियाने सामना सहज जिंकला.
दरम्यान, अहमदाबादमध्ये वर्ल्ड कप जिंकल्यानंतर आता ऑस्ट्रेलियन खेळाडूंचे सेलिब्रेशनचे फोटो व्हायरल होत आहेत. ऑस्ट्रेलियाचा फलंदाज अष्टपैलू मिचेल मार्शचा असाच एक फोटो व्हायरल झाला आहे. ज्यानंतर लोकांमध्ये संतापाची लाट उसळली आहे. त्या फोटोमध्ये त्याच्या हातात बीअरची बाटली आणि वर्ल्ड कप ट्रॉफी पायखाली दिसत आहे.
यावर क्रिकेट चाहते जोरदार टीका करत आहेत. मार्श जो 2015 मध्ये ऑस्ट्रेलियाच्या विश्वविजेत्या संघाचा देखील भाग होता, रविवारी 15 धावा केल्यानंतर जसप्रीत बुमराहच्या चेंडूवर केएल राहुलने झेलबाद केले.
मात्र, विजयानंतर तो ड्रेसिंग रूममध्ये ट्रॉफीवर पाय ठेवून बसलेला दिसला. त्यावर बरीच टीका होत आहे. चाहत्यांनी ही वागणूक चुकीची ठरवली आणि ट्रॉफीबद्दल काही आदर ठेवला पाहिजे असे म्हटले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.