IND vs BAN Dinesh Karthik Run Out : भारत आणि बांगलादेश यांच्यात सुपर-12 फेरीचा महत्त्वपूर्ण सामना खेळला गेला. टीम इंडियाने डकवर्थ लुईस नियमाच्या आधारे पाच धावांनी सामना जिंकला. बांगलादेशने नाणेफेक जिंकून प्रथम गोलंदाजी करण्याचा निर्णय घेतला. भारताने 20 षटकांत 6 बाद 184 धावा केल्या. बांगलादेशला सामना जिंकण्यासाठी 185 धावा करायच्या होत्या, मात्र पावसामुळे त्यांना 16 षटकांत 151 धावांचे लक्ष्य मिळाले. 16 षटकांत सहा विकेट्सवर केवळ 145 धावाच करता आल्या.

भारताने पुन्हा एकदा दिनेश कार्तिकला संधी दिली. बांगलादेशविरुद्ध कार्तिक पाच चेंडूंत सात धावा करून धावबाद झाला. खरे तर दिनेश कार्तिकला शरीफुल इस्लामने बाद केले तेव्हा त्याच्या हातात चेंडू नव्हता. चेंडूशिवाय स्टंप उखडूनही दिनेश कार्तिकला आऊट देण्यात आले आणि हे अनेकांना समजले नाही. दिनेश कार्तिकला चुकीच्या पद्धतीने आऊट देण्यात आले. यावरून ट्विटरवर प्रचंड गदारोळ सूरू झाला. आयसीसीचे नियम काय सांगतो समजून घेऊ.

विराट कोहलीने एक्स्ट्रा कव्हरमध्ये सरळ शॉट मारला. दिनेश कार्तिक धाव घेण्यासाठी पळाला होता. शाकिब अल हसनने चेंडू पकडून थेट गोलंदाजाच्या हातात फेकला. कार्तिक क्रीझच्या बाहेर होता आणि गोलंदाजाचा हात स्टंपला लागला. आयसीसीच्या नियमांनुसार, जर चेंडू स्टंपला लागला आणि त्यानंतर शरीराच्या भागातून बेल्स पडले तर फलंदाजाला आऊट दिला जातो.