Ind vs Eng 2nd Test Lords: भारतीय संघाचा पहिला डाव ३६४ धावांवर आटोपला. त्यानंतर दुसरे सत्र संपेपर्यंत इंग्लंडने चांगली फलंदाजी केली. तिसऱ्या सत्रात मात्र सिराजने दोन चेंडूत दोन बळी घेतले. बर्न्ससोबत २३ धावांची भागीदारी झाल्यानंतर सिबली बाद झाला. सिराजने त्याला माघारी धाडले. त्यानंतर खूप दिवसांची संधी मिळालेला हसीब हमीद ज्या पद्धतीने बाद झाला, त्याची खूपच चर्चा झाली.

हसीब हमीदला खूप दिवसांनी संधी मिळाली होती. त्यामुळे तो दमदार कामगिरी करेल अशी अपेक्षा होती पण त्याला चेंडूच समजू शकला नाही. सिराजने गुड लेंग्थवर चेंडू टाकला. तो चेंडू खेळण्यासाठी त्याने हळूवार पाय पुढे काढला पण त्याला चेंडू कळायच्या आतच तो क्लिन बोल्ड झाला. आपण कसे बोल्ड झालो हेदेखील हमीदला कळलं नाही.

पाहा व्हिडीओ-

'टीम इंडिया'चा पहिला डाव-

इंग्लंडने टॉस जिंकून प्रथम गोलंदाजी घेतली. भारताचे ओपनर रोहित शर्मा आणि लोकेश राहुल दोघांनी दमदार कामगिरी केली. या दोघांनी दमदार शतकी सलामी दिली. पण रोहितला शतक झळकवता आले नाही. रोहित ८३ धावा काढून माघारी परतला. चेतेश्वर पुजारादेखील ९ धावा काढून माघारी परतला. कर्णधार विराटने चांगली सुरूवात केली, पण तोदेखील ४२ धावांवर बाद झाला. राहुलने मात्र एक बाजू लावून धरली आणि १२९ धावांची खेळी केली. दुसऱ्या दिवशीच्या खेळात सुरूवातीला राहुल बाद झाला मग पाठोपाठ अजिंक्य रहाणे (१), ऋषभ पंत (३७), मोहम्मद शमी (०), इशांत शर्मा (८) आणि जसप्रीत बुमराह (०) लगेच माघारी परतला. अशा वेळी धावा जमवण्याच्या उद्देशाने जाडेजाने फटका खेळला आणि तो ४० धावांवर बाद झाला.