Rohit Sharma Record : टीम इंडियाचा कर्णधार रोहित शर्माने रविवारी बेंगळुरूच्या चिन्नास्वामी स्टेडियमवर नेदरलँड्सविरुद्ध खेळल्या जाणाऱ्या वर्ल्ड कप सामन्यात इतिहास रचला आहे. रोहित शर्मा आता मास्टर ब्लास्टर सचिन तेंडुलकर आणि स्फोटक सलामीवीर वीरेंद्र सेहवाग यांच्या पंक्तीत जाऊन बसला आहे. 'हिटमॅन' रोहित शर्माने आंतरराष्ट्रीय क्रिकेटमध्ये सलामीवीर म्हणून 14,000 धावा पूर्ण केल्या आहेत.

रविवारी बेंगळुरूच्या चिन्नास्वामी स्टेडियमवर झालेल्या वर्ल्ड कपमध्ये नेदरलँड्सविरुद्धच्या सामन्यात रोहित शर्माने 12 धावा करत हा मोठा विक्रम आपल्या नावावर केला आहे. आंतरराष्ट्रीय क्रिकेटमध्ये 14000 किंवा त्याहून अधिक धावा करणारा तो केवळ तिसरा भारतीय सलामीवीर ठरला आहे. रोहित शर्मापूर्वी मास्टर ब्लास्टर सचिन तेंडुलकर आणि स्फोटक सलामीवीर वीरेंद्र सेहवाग यांनी भारतासाठी हा पराक्रम केला होता.

आंतरराष्ट्रीय क्रिकेटमध्ये सर्वाधिक धावा करणारा भारतीय सलामीवीर

• 1. वीरेंद्र सेहवाग - 15758

• 2. सचिन तेंडुलकर - 15335

• 3. रोहित शर्मा - 14000

• 4. सुनील गावस्कर - 12258

• 5. शिखर धवन – 10867

आंतरराष्ट्रीय क्रिकेटमध्ये सर्वाधिक धावा करणारा सलामीवीर

• 1. सनथ जयसूर्या - 19298

• 2. ख्रिस गेल - 18867

• 3. डेव्हिड वॉर्नर - 18026

• 4. ग्रॅम स्मिथ - 16950

• 5. डेसमंड हेन्स - 16120

• 6. वीरेंद्र सेहवाग - 16119

• 7. सचिन तेंडुलकर - 15335