Rishabh Pant IND vs NZ 3rd ODI : भारत विरुद्ध न्यूझीलंड यांच्यातील तिसऱ्या एकदिवसीय सामन्यात भारतीय संघ धावांसाठी धडपडताना दिसत आहे. दरम्यान ऋषभ पंत चिंतेत आणखी भर पडली आहे. सोशल मीडियावर सध्या ड्रेसिंग रूममध्ये एक फोटो जोरदार व्हायरल होत आहे. समोर आलेल्या फोटोमध्ये ऋषभ पंत वैद्यकीय मदत घेताना दिसत आहे. मात्र, याबाबत संघ किंवा खेळाडूकडून अधिकृतपणे काहीही सांगण्यात आलेले नाही.

ऋषभ पंत ड्रेसिंग रूममध्ये झोपला असून वैद्यकीय पथकातील एक सदस्य खांद्याची तपासणी करत असल्याचे त्या फोटोत दिसत आहे. सध्या परिस्थिती स्पष्ट नाही. न्यूझीलंडविरुद्ध पंतची फ्लॉप कामगिरी कायम राहिली आहे. तिसऱ्या एकदिवसीय सामन्यातही स्फोटक फलंदाजाची बॅट चमत्कार करू शकली नाही. 16 चेंडूत 2 चौकारांच्या मदतीने तो 10 धावाच करू शकला.

ऑकलंडमधील ईडन पार्क येथे खेळल्या गेलेल्या 50 षटकांच्या पहिल्या सामन्यातही पंत फ्लॉप राहिला, त्याने 65 च्या स्ट्राइक-रेडने 15 धावा काढून बाद झाला. दोन्ही संघांमधील दुसरा सामना पावसामुळे रद्द झाला. याआधी टी-20 मालिकेदरम्यानही पंतला दुसऱ्या सामन्यात 6 धावा करता आल्या होत्या. त्यादरम्यान पहिला सामनाही पाऊस आला होता आणि तिसऱ्या सामन्याचा निर्णय डीएलएसद्वारे झाला.

ऑक्टोबरमध्येही टी-20 विश्वचषकादरम्यान पंतचा एक फोटो व्हायरल झाला होता, त्यानंतर त्याच्या दुखापतीबाबत चर्चा सुरू झाल्या होत्या. व्हायरल झालेल्या फोटोमध्ये तो गुडघ्यावर बँडेज बांधलेला दिसत होता. मात्र, विश्वचषकात संघाने ठळकपणे दिनेश कार्तिकला मैदानात उतरवले.