Ind vs Nz Yuzvendra Chahal Record : भारत आणि न्यूझीलंड यांच्यातील दुसरा टी-20 आंतरराष्ट्रीय सामना लखनौ येथे खेळल्या गेला. या सामन्यात युझवेंद्र चहलचा भारतीय प्लेइंग इलेव्हनमध्ये समावेश करण्यात आला होता. त्याने एक विकेट घेत इतिहास रचला. चहल हा टी-20 आंतरराष्ट्रीय क्रिकेटमध्ये भारताकडून सर्वाधिक विकेट घेणारा गोलंदाज ठरला आहे. चहलने टी-20 आंतरराष्ट्रीय क्रिकेटमध्ये भारतासाठी सर्वाधिक 91 विकेट घेतल्या आहेत. त्याने या प्रकरणात भुवनेश्वर कुमारला मागे टाकले आहे.
लखनऊमध्ये न्यूझीलंडविरुद्ध खेळल्या गेलेल्या दुसऱ्या टी-20 सामन्यापूर्वी युझवेंद्र चहलच्या नावावर 90 विकेट होत्या, पण दुसऱ्या T20 मध्ये एक विकेट घेत चहलने हा खास विक्रम आपल्या नावावर केला. या सामन्यात त्याने 2 षटकात केवळ 4 धावा देत 1 बळी घेतला. यादरम्यान त्याने मेडन ओव्हरही टाकला. चहलने आपल्या शानदार कामगिरीने सर्वांची मने जिंकली.
युझवेंद्र चहल - 75 टी-20 आंतरराष्ट्रीय सामने, 74 डाव - 91 विकेट.
भुवनेश्वर कुमार - 87 टी-20 आंतरराष्ट्रीय सामने, 86 डाव - 90 विकेट.
आर अश्विन - 65 टी-20 आंतरराष्ट्रीय सामने, 65 डाव - 72 विकेट.
जसप्रीत बुमराह - 60 टी-20 आंतरराष्ट्रीय सामने, 59 डाव - 70 विकेट.
हार्दिक पांड्या - 86 टी-20 आंतरराष्ट्रीय सामने, 75 डाव - 65 विकेट.
युझवेंद्र चहलने भारतीय संघासाठी आतापर्यंत एकूण 72 एकदिवसीय आणि 75 टी-20 आंतरराष्ट्रीय सामने खेळले आहेत. एकदिवसीय सामन्यांमध्ये त्याने 27.13 च्या सरासरीने एकूण 121 विकेट्स घेतल्या आहेत. याशिवाय 75 टी-20 आंतरराष्ट्रीय सामने खेळताना चहलने 24.68 च्या सरासरीने आणि 8.14 च्या इकॉनॉमीने 91 विकेट्स घेतल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.