Mohammed Siraj South Africa vs India 2nd Test : भारत विरुद्ध दक्षिण आफ्रिका यांच्यात दुसरा कसोटी सामना केपटाऊनच्या न्यूलँड्स मैदानावर खेळला जात आहे. या सामन्यात दक्षिण आफ्रिकेचा कर्णधार डीन एल्गरने नाणेफेक जिंकून प्रथम फलंदाजी करण्याचा निर्णय घेतला आहे, जो मोहम्मद सिराजने चुकीचा ठरवला.

वेगवान गोलंदाज मोहम्मद सिराजने दुसऱ्या आणि शेवटच्या कसोटी सामन्यात खळबळ उडवून दिली. त्याने यजमान संघाच्या फलंदाजांना सावरण्याची एकही संधी दिली नाही. यामुळे बुधवारी पहिल्याच सत्रात संपूर्ण संघ 23.2 षटकात अवघ्या 55 धावांत ऑलआऊट झाला. यासह भारताने केपटाऊनमध्ये प्रथमच कसोटी सामना जिंकण्याच्या दिशेने पाऊल टाकले आहे.

दक्षिण आफ्रिकेविरुद्धच्या दोन सामन्यांच्या कसोटी मालिकेतील पहिला सामना गमावल्यानंतर बरोबरीच्या इराद्याने आलेल्या टीम इंडियाने आश्चर्यकारक कामगिरी केली. सेंच्युरियन कसोटीत ज्या गोलंदाजीमुळे भारताचा पराभव झाला. त्याच गोलंदाजीने येथे कहर केला. या उजव्या हाताच्या गोलंदाजाने आपल्या स्विंग आणि बाऊन्सच्या जोरावर दक्षिण आफ्रिकेविरुद्ध केवळ 9 षटकात 15 धावांत 6 विकेट घेतल्या. सिराजशिवाय बुमराह आणि मुकेश कुमारने 2-2 विकेट घेतल्या.

दक्षिण आफ्रिकेच्या संघाची अवस्था इतकी बिकट होती की, त्यांचे फक्त 2 फलंदाज दुहेरी आकडा गाठू शकले. यष्टिरक्षक काइल वीरेनने सर्वाधिक 15 धावांची खेळी खेळली. बेडिंगहॅमने 12 धावांची खेळी केली. त्यांच्याशिवाय मार्कराम 2, एल्गर 4, जॉर्जी 2, स्टम्स 2 धावा करून बाद झाले. यान्सनला खाते उघडता आले नाही. महाराजांनी 3 रबाडाने 5 तर बर्गरने 4 धावांचे योगदान दिले.