India vs Sri Lanka, 2nd T20I  Sakal
क्रीडा

आमची भूमी आमचा जलवा! टीम इंडियाची विजयी मालिका कायम

सुशांत जाधव

India vs Sri Lanka, 2nd T20I : रोहितच्या नेतृत्वाखालील टीम इंडियाने मालिका विजयाचा धडाका कायम ठेवला आहे. न्यूझीलंड, वेस्ट इंडीज संघाला एकहाती धूळ चारणाऱ्या टीम इंडियाने श्रीलंकेविरुद्धची मालिकाही खिशात घातली. धर्मशाला मैदानात रंगलेल्या दुसऱ्या सामन्यात पहिल्यांदा बॅटिंग करताना श्रीलंका संघाने निर्धारित 20 षटकात 5 बाद 183 धावा करत टीम इंडियासमोर 184 धावांचे लक्ष्य ठेवलं होते. हे आव्हान 7 विकेट्स आणि 17 चेंडू राखून पार करत भारतीय संघाने दिमाखदार विजयाची नोंद केली. या विजयासह भारतीय संघाने तीन सामन्यांची मालिका 2-0 अशी खिशात घातली.

श्रीलंकेनं दिलेल्या धावांचा पाठलाग करताना भारतीय संघाची सुरुवात खराब झाली. रोहित शर्मा आणि ईशान किशन स्वस्तात माघारी परतले. त्यानंतर श्रेयस अय्यरनं (Shreyas Iyer) सामन्याची सर्व सूत्रे आपल्या हाती घेतली. संजू सॅमसनने (Sanju Samson) त्याला सुरेख साथ दिली. दोघांनी तिसऱ्या विकेटसाठी 84 धावांची भागीदारी रचत सामना भारताच्या बाजूनं वळवला. संजू सॅमसन 25 चेंडूत 39 धावा करुन बाद झाला. त्याने आपल्या या खेळीत 2 चौकार आणि 3 षटकार खेचले. श्रेयस अय्यर आणि रविंद्र जाडेजा (Ravindra Jadeja) जोडीन भारतीय संघाच्या विजयावर शिक्कामोर्तब केले. दुसरा सामना 7 विकेट्स आणि 17 चेंडू राखून जिंकत टीम इंडियाने मालिकाही खिशात घातली.

पहिल्या सामन्यात नाबाद अर्धशतकी खेळी करणाऱ्या श्रेयस अय्यरने (Shreyas Iyer) दुसऱ्या सामन्यातही नाबाद अर्धशतक झळकावले. विशेष म्हणजे तो संघाला विजय मिळवून देत नाबाद परतला. त्याने 44 चेंडूत 6 चौकार आणि 4 षटकाराच्या मदतीने 74 धावा केल्या. दुसऱ्या बाजूला रविंद्र जाडेजानेही (Ravindra Jadeja) तुफान फटकेबाजी केली. त्याने 18 चेंडूत 7 चौकार आणि एका षटकाराच्या मदतीने नाबाद 45 धावांची खेळी केली.

रोहित शर्माने भारतीय संघाच्या नेतृत्वाची पूर्णवेळ धूरा हाती घेतल्यापासून भारतीय संघान पराभव पाहिलेला नाही. न्यूझीलंड आणि वेस्ट इंडिज विरुद्धच्या तीन सामन्यांच्या मालिकेत भारतीय संघाने 3-0 असा विजयी धमाका केला होता. त्यानंतर आता श्रीलंकेलाही टीम इंडियाने व्हाईट वॉशच्या उंबरठ्यावर आणले आहे. रोहित पूर्णवेळ कर्णधार झाल्यानंतरचा टीम इंडियाचा हा सलग 8 वा विजय आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test, 3rd Day: केएल राहुल शतकाच्या उंबरठ्यावर, पडिक्कलचेही अर्धशतक; लंचब्रेकपर्यंत काय घडलं?

IND vs PAK: भारत-पाकिस्तान सामना रंगणार, वैभव सूर्यवंशी मैदानात उतरणार; सामना कधी, कुठे, किती वाजता अन् Live कुठे पाहता येणार?

Tilak Varma Century: तिलक वर्माचा नेपाळवर तुफानी हल्ला! ११३ चेंडूंत ठोकलं बाहुबली शतक, चौकार-षटकारांच्या आतषबाजीने गोलंदाजांची दाणादाण

Rekha Konde: ठाकरे गटाच्या पदाधिकारी रेखा कोंडे यांना पुण्यात मारहाण; आरती मारणे-पवार यांची बदनामी केल्याचा आरोप

Solapur University : सोलापूर विद्यापीठाशी संलग्न सर्व महाविद्यालयांतील मुलींना तीन महिन्यांचे मोफत कराटे प्रशिक्षण; सत्र परीक्षेनंतर प्रशिक्षणाला सुरुवात

SCROLL FOR NEXT