India vs West indies ODI Brian Lara : टीम इंडिया सध्या वेस्ट इंडिज दौऱ्यावर आहे, जिथे मालिकेतील पहिल्या वनडेत विजयाने सुरुवात केली आहे. एकदिवसीय मालिकेतील पहिल्या सामन्यात भारताने वेस्ट इंडिजचा 3 धावांनी पराभव केला.

तीन एकदिवसीय सामन्यांच्या मालिकेतील पहिला सामना जिंकल्यानंतर भारतीय संघाने मालिकेत 1-0 अशी आघाडी घेतली. विजयानंतर सर्व खेळाडू उत्साहित आणि आनंदी दिसले. वेस्ट इंडिजचा माजी दिग्गज खेळाडू ब्रायन लाराने त्यांचा आनंद अजून वाढवला हा दिग्गज अचानक टीम इंडियाच्या ड्रेसिंग रूममध्ये आला.

टीम इंडियाने शुक्रवारी झालेल्या या सामन्यात प्रथम फलंदाजी करताना 308 धावा केल्या. प्रत्युत्तरात वेस्ट इंडिजचा संघ 305 धावाच करू शकला. भारताच्या विजयानंतर माजी दिग्गज खेळाडू ब्रायन लाराने ड्रेसिंग रूममध्ये टीम इंडियाच्या खेळाडूंची भेट घेतली. यादरम्यान शिखर धवन आणि श्रेयस अय्यर खास संवाद साधताना दिसले. टीम इंडियाच्या खेळाडूंपूर्वी प्रशिक्षक राहुल द्रविड यांनीही लाराची भेट घेतली. बीसीसीआयने त्याचा व्हिडिओ ट्विट केला आहे.

कर्णधार शिखर धवनचे या सामन्यात तीन धावांनी शतक हुकले. त्याने 99 चेंडूत 97 धावांची खेळी खेळली. यादरम्यान शिखरने 10 चौकार आणि तीन षटकार मारले. धवन आणि शुभमन गिलच्या 64 आणि श्रेयस अय्यरच्या अर्धशतकाच्या जोरावर भारताने 50 षटकांत 7 गडी गमावून 308 धावा केल्या. प्रत्युत्तरात विंडीजचा संघ 6 बाद 305 धावाच करू शकला आणि 3 धावांनी सामना गमावला.