Ind vs Aus WT20 WC : भारतीय महिला क्रिकेट संघ आज संध्याकाळी ऑस्ट्रेलियाविरुद्ध आयसीसी महिला टी-20 विश्वचषक उपांत्य फेरीत सामना खेळणार आहे. या सामन्यापूर्वी टीम इंडियाला मोठा धक्का बसला आहे. गोलंदाज पूजा वस्त्राकर या सामन्यातून बाहेर पडली आहे. तिच्या जागी स्नेह राणाचा संघात समावेश करण्यात आला आहे.

ICC महिला टी-20 विश्वचषक 2023 स्पर्धेच्या तांत्रिक समितीने पूजा वस्त्राकरच्या जागी स्नेह राणाला महिला भारतीय क्रिकेट संघात समाविष्ट करण्यास मान्यता दिली. पूजा वस्त्राकर टी-20 वर्ल्ड कपमधून बाहेर पडल्यानंतर स्नेह राणाला संघात स्थान मिळाले आहे. दुसरीकडे खेळाडूच्या बदलीसाठी इव्हेंट टेक्निकल कमिटीची मंजुरी आवश्यक असते आणि मंजुरी मिळाल्यानंतरच बदली खेळाडूला अधिकृतपणे संघात समाविष्ट केले जाऊ शकते.