ACC Emerging Asia Cup : आशिया करंडक इमर्जिंग क्रिकेट स्पर्धेत भारताने नेपाळवर नऊ विकेट आणि १६७ चेंडू राखून अपेक्षेप्रमाणे पराभव केला. या स्पर्धेत भारताला हा दुसरा विजय आहे, आता पुढची लढत पाकविरुद्ध होणार आहे.
नेपाळच्या तुलनेत भारताचे खेळाडू कितीतरी पटीने अनुभवात उजवे आहेत, तोच फरक आजच्या सामन्यातून दिसून आला. नाणेफेक जिंकून प्रथम फलंदाजी स्वीकारणाऱ्या नेपाळचा डाव ३९.२ षटकांत संपुष्टात आला. कर्णधार रोहित पौदेलने अर्धशतकी भागीदारी केली.
भारताकडून वेगवान गोलंदाज राजवर्धन हंगरगेकरने तीन, तर हर्षित राणाने दोन विकेट मिळवल्या. मात्र निशांत सिंधूने २० चेंडूतच चार विकेट मिळवण्याची कामगिरी केली.
भारतीयांना १६८ धावांचे माफक आव्हान २२.१ षटकांतच पार केले. साई सुदर्शन ५२ चेंडूत ५८ धावा करून बाद झाला, तर दुसरा सलामीवीर अभिषेक शर्माने ६९ चेंडूंतच ८७ धावांची खेळी केली. शतक झळकावण्याची संधी मात्र हुकली.
संक्षिप्त धावफलक ः नेपाळ ः ३९.२ षटकांत १६७ (रोहित पौदेल ६५, गुलशन झा ३८, हर्षित राणा ५-१-१६-२, राजवर्धन हंगरगेकर ६-१-२५-३, निशांत सिंधू ३.२-०-१४-४) पराभूत वि. भारत ः २२.१ षटकांत १ बाद १७२ (साई सुदर्शन ५८, अभिषेक शर्मा ८७ -६९ चेंडू, १२ चौकार, २ षटकार).
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.