India vs Vietnam Football Match: भारतीय पुरुष फुटबॉल संघाचा व्हिएतनामविरुद्ध काल मैत्रीपूर्ण सामना १-१ ने बरोबरीचा झाला आहे. या त्रिदेशीय स्पर्धेतून देशातील अस्थिरतेच्या वातावरणामुळे लेबनॉनने माघार घेतली. त्यामुळे लेबनॉन विरुद्धाचा सामना भारताला रद्द करावा लागला.

व्हिएतनामने गोल करून समन्यात वर्चस्व दाखवले होते. परंतु, या समन्यात तीन वर्षांननंतर आंतरराष्ट्रीय फुटबॉल सामन्यात पुनरागमन करणाऱ्या फारूक चौधरीने गोल करून सामना बरोबरीचा केला. अन्यथा भारताला सामन्यात पराभवाला सामने जावे लागले असते.

मॅनोलो मार्क्वेझ यांच्या नेतृत्वाखाली भारत तिसरा सामना खेळला. याआधी मार्क्वेझ यांच्या नेतृत्वाखाली भारत इंटरकाँटीनल कपमध्ये मॉरिशेसविरुद्ध पाहिला सामना खेळला आणि हा सामना बरोबरीचा झाला. याच स्पर्धेतील सिरियाविरुद्धच्या दुसऱ्या सामन्यात भारताला ०-३ ने पराभव पत्कारावा लागला. कालचा सामना पुन्हा बरोबरीचा झाल्यामुळे मॅनोलो मार्क्वेझ यांना पहिल्या विजयासाठी आणखी वाट पाहवी लागणार आहे.

फिफा क्रमवारीत व्हिएतनाम ११६ व्या स्थानावर आहे. तर, भारत १२६ स्थानावर आहे. आत्तापर्यंत भारत व व्हिएतनाम संघ एकूण ४ वेळा आमने- सामने आले आहेत. २००४ साली झलेल्या एलजी कपमध्ये व्हिएतनामने भारताला पराभूत केले होते.

२०१० मध्ये पुणे इथे झलेल्या व्हिएतनामविरुद्धच्या सामन्यात माजी कर्णधार सुनील छेत्रीने सलग तीन गोल केले होते आणि या सा मन्यात भारत ३-१ ने विजयी झाला होता. व्हिएतनामविरुद्धचा शेवटचा सामना भारताने २०२२ मध्ये खेळाला होता. ज्यामध्ये व्हिएतनामने भारतावर ३-० ने विजय मिळवला होता.