Manu Bhaker Statement: भारताची २२ वर्षीय नेमबाज मनू भाकरने तिचं नाव ऑलिम्पिक इतिहासात नोंदवलं आहे. तिला शनिवारी (३ ऑगस्ट) पॅरिस ऑलिम्पिकमध्ये तिसरे पदक जिंकण्याची संधी होती. तिने शनिवारी महिलांच्या २५ मीटर पिस्तुल प्रकारात अंतिम फेरी खेळली. मात्र ती चौथ्या क्रमांकावर राहिल्याने तिचं पदक थोडक्यात हुकलं.

अंतिम फेरीत हंगेरीच्या कॅमिलीबरोबर झालेल्या शुटऑफमध्ये तिला पराभूत व्हावं लागलं होतं. त्यामुळे ती चौथ्या क्रमांकावर राहिली. दरम्यान, तिने यापूर्वी १० मीटर एअर पिस्तुल प्रकारात महिला आणि मिश्र गटात कांस्य पदक जिंकून इतिहास रचला आहे.

पण त्यानंतर आता तिसऱ्या पदकाचीही तिला संधी होती. पण दे न मिळाल्याने ती काहीशी निराश झाली. पण असं असलं तरी तिनं पुढच्यावेळी आणखी जोमात पुनरागमन करेल असं निर्धार व्यक्त केला. याबरोबर आता ती ब्रेकदरम्यान काय करणार हे देखील सांगितलं, तसेच आईसाठी खास संदेश दिला आहे.

मनू भाकरच्या आता पॅरिस ऑलिम्पिकमधील सर्व स्पर्धा संपल्या आहेत. त्यामुळे ती तिचे दोन पदकं घेऊन मायदेशी परतणार आहे.

जिओ सिनेमाशी बोलताना तिने ब्रेकदरम्यान आता काय करणार याबद्दल सांगितले. तिने सांगितलं, 'मी कदाचीत आता पहिले जेवेल. गेल्या काही दिवसात मी जेवू शकलेले नाही. मी नाश्ताकरून मग दिवसभरत रेंजमध्ये सराव करात होते आणि मग रात्री जेवण व्हायचं.'

त्याचबरोबर आईला खास संदेश देताना ती म्हणाली, 'तिचे खूप आभार. तिने माझ्यासाठी खूप त्याग केलेत, ज्यामुळे मी चांगली खेळू शकेल. माझं तिच्यावर खूप प्रेम आहे. ती निरोगी रहावी आणि तिला दीर्घायुष्य मिळो.'

याबरोबरच तिसरं पदक हुकल्याबद्दल मनू म्हणाली, 'मी आता पुढच्या ऑलिम्पिकचा विचार करत आहे. मी शेवटच्या शॉटवेळी खरंच नर्वस झाले होते. मी शांत राहण्याचा प्रयत्न करत होते, पण ते पुरेसं नव्हतं. चौथं स्थान नक्कीच चांगलं स्थान नाही.'

'मी सध्या सोशल मीडियाही वापरत नाहीये, माझ्या फोनही पाहात नाहीये. मी माझं सर्वोत्तम देण्याचा प्रयत्न केला. पण या प्रकारात मी माझे सर्वोत्तम नाही देऊ शकले.'

याशिवाय तिच्याबरोबर काम करणाऱ्या सर्वांचेही तिने आभार मानले, तिने प्रशिक्षक जसपाल राणा, क्रीडा मंत्रालय, पंतप्रधान नरेंद्र मोदी, कुटुंब आणि मित्रपरिवाराचे आभार मानले.