नवी दिल्ली- वर्ल्डकपच्या अंतिम सामन्यात भारताचा ऑस्ट्रेलियाकडून पराभव झाला आहे. यावेळी भारतीय संघाचे कोच राहुल द्रविड याने पत्रकारांशी संवाद साधला. यावेळी द्रविड म्हणाले की, भारतीय संघाने संपूर्ण वर्ल्डकपमध्ये चांगली कामगिरी केली आहे. पण, दुर्दैवाने त्यांना अंतिम सामना जिंकता आला नाही. शेवटी हा खेळ आहे. (India vs Australia Final Highlights Cricket World Cup 2023 indian cricket team coach rahul dravid)

४० ते ५० धावा कमी पडल्या असं मला वाटतं. वर्ल्डकपमध्ये आपली कामगिरी चांगली होती. पण, दुर्दैवाने आपला अंतिम सामन्यात पराभव झाला. ड्रेसिंग रुपमध्ये सर्वजण भावूक झाले आहेत. मला माहिती आहे त्यांनी कशा प्रकारे मेहनत घेतली आहे. पण, शेवटी हा खेळ आहे. यातून आम्ही पुन्हा उभे राहू. शेवटी खूप गोष्टी शिकायला मिळतात, असं राहुल म्हणाले.

आपली टीम घाबरुन खेळली असं मी म्हणणार नाही, कारण पहिल्या दहा ओव्हरमध्ये आपले ८० रन्स झाले होते. पुढे जाऊन धावा काढता येतील या इराद्याने प्रत्येक खेळाडू खेळतो. पण, विकेट पडल्यानंतर पुन्हा नव्याने रणनीती आखावी लागते. पण, अंतराने आपले विकेट पडत गेले. शिवाय ऑस्ट्रेलियाने चांगली कामगिरी. त्यामुळे त्यांनी २४० पर्यंतच रोखलं, असंही तो म्हणाले.

संघाने क्रिकेटप्रेमींना चांगली खेळी करुन दाखवली, त्यांचे मनोरंजन केले आहे. आजच्या सामन्यामुळे थोडीशी निराशा नक्कीच आली आहे. सर्वात जास्त निराशा ड्रेसिंग रुममध्ये आहे. पण, यातून अनेक सकारात्मक गोष्टीही बाहेर आल्या आहेत. हार्दिक दुखापतीमुळे बाहेर पडला. पण, इतर खेळाडूंनी त्याची कमी भरुन काढली, असं राहुल म्हणाले.

बॉलिंगमध्ये खूप काही सुधारणा झाली आहे. पण, यामागे अनेक वर्षांची मेहनत आहे. शमी, बुमराह आणि सिराज यांनी चांगली कामगिरी केली आहे.ऑस्ट्रेलियाने आज चांगली बॉलिंग केली. त्याचं क्रेडिट त्यांना द्यायला पाहिजे, असं राहुल द्रविड म्हणाले. (Latest Marathi News)