India vs England Edgbaston Test: इंग्लंडविरुद्धच्या एजबॅस्टन कसोटी सामन्यात भारताचा सात गडी राखून लाजिरवाणा पराभव झाला. टीम इंडियाने इंग्लंडला 378 धावांचे लक्ष्य दिले होते, तेव्हा टीम इंडिया हा सामना सहज हरेल असे क्वचितच कोणी वाटले असेल. भारतीय संघाची गोलंदाजी जागतिक क्रिकेटमध्ये सर्वोत्तम मानली जाते, त्यामुळे भारतीय चाहत्यांना विजयाची पूर्ण आशा होती. पण भारताच्या भक्कम गोलंदाजीसमोर इंग्लंडने हे लक्ष्य गाठले आहे.

टीम इंडियासाठी ही खरी चिंतेची बाब आहे. परदेशी भूमीवर हा सलग तिसरा कसोटी सामना होता, ज्यामध्ये भारतीय संघ चौथ्या डावात आपली धावसंख्या राखण्यात अपयशी ठरला आहे. चौथ्या डावात लक्ष्याचा पाठलाग करणे कधीही सोपे नसते. त्यातही जेव्हा स्कोअर 200 किंवा 300 पेक्षा जास्त असेल तेव्हा पाठलाग करणाऱ्या टीमला क्वचित यश मिळाले आहे, पण टीम इंडिया सध्या त्यात चुकत आहे. (Indian Poor Bowling 4th Innings Johannesberg Ind vs Eng)

या वर्षी जानेवारीमध्ये दक्षिण आफ्रिका दौऱ्यावर टीम इंडियाने सलग दोन सामने अशाप्रकारे गमावले आहेत. जोहान्सबर्ग येथे खेळल्या गेलेल्या दुसऱ्या कसोटीत दक्षिण आफ्रिकेच्या तुलनेने कमकुवत फलंदाजीमुळे 240 धावांचे अवघड लक्ष्य अवघ्या 3 गडी गमावून पार केले. त्यानंतर पुढच्याच केपटाऊनमध्ये झालेल्या कसोटीत दक्षिण आफ्रिकेने चौथ्या डावात 3 गडी गमावून पुन्हा 212 धावांचे लक्ष्य गाठले होते.

एजबॅस्टनमध्येही तरच झाल भारतीय संघला केवळ 3 विकेट्स घेता आल्या, तर इंग्लंडने सुमारे 77 षटकांत लक्ष्य गाठले. या वर्षी खेळल्या गेलेल्या तीन कसोटी सामन्यांच्या चौथ्या डावात भारतीय गोलंदाजांनी एकूण 207.5 षटके टाकली, ज्यात त्यांना फक्त 8 विकेट घेता आले आहे. संघाने 1 विकेटसाठी 100.25 धावांची सरासरी खर्च केली, तर त्यांना एका विकेटसाठी 155.8 चेंडू लागले आहे. यादरम्यान भारतीय गोलंदाजांचा इकॉनॉमी रेटही प्रति षटक ३.८५ धावा होता. म्हणजेच पुढील परदेश दौऱ्यापूर्वी भारतीय संघाला ही कमजोरी दुरुस्त करावी लागणार आहे.