India Vs England Test Match: दक्षिण आफ्रिकेविरुद्ध टी-20 मालिका दरम्यान केएल राहुलला दुखापतीमुळे संघातून बाहेर पडला होता. त्यानंतर प्रत्येकाच्या मनात एकच गोष्ट होती की इंग्लंडविरुद्धच्या पाचव्या कसोटीत सलामीची भूमिका कोण बजावणार? या ऐतिहासिक कसोटी सामन्यात रोहितचा जोडीदार कोण असेल. त्यावर बीसीसीआयने एका पोस्टद्वारे ही स्पष्ट केली आहे. इंस्टाग्राम अकाउंटवर भारतीय क्रिकेट संघाने एक व्हिडिओ पोस्ट केला आहे. ज्यामध्ये भारतीय संघाचा सलामीवीर कर्णधार रोहित शर्मा आणि शुभमन गिल नेट सत्राच्या पहिल्या दिवशी फलंदाजीचा सराव करताना दिसत आहेत.

इंग्लंडविरुद्धच्या पाचव्या कसोटीत गिल आणि रोहित शर्मा भारतासाठी सलामीवीराची भूमिका बजावणार असल्याचे बीसीसीआयकडून एकीकडे उघड केले आहे. बीसीसीआयकडून याबाबत अधिकृत घोषणा आजून तरी करण्यात आली नाही. पण ज्या पद्धतीने हा व्हिडिओ शेअर करण्यात आली आहे. त्यावरून गिल रोहितसोबत कसोटी सामन्यात सलामी करणार असल्याचे तरक लावले जाता आहे.

बर्मिंगहॅममध्ये 1 जुलैला भारतीय संघ इंग्लंडविरुद्ध शेवटचा कसोटी सामना खेळणार आहे. या मालिकेत भारतीय संघ इंग्लंडपेक्षा 2-1 ने पुढे आहे. कोरोनाच्या वाढत्या संख्येमुळे भारतीय संघ कसोटी मालिका मध्येच सोडून भारतात परतला होता. भारतीय संघ इंग्लंड दौऱ्यावर कसोटी सामन्याव्यतिरिक्त 3 टी-20 आणि 2 एकदिवसीय सामन्यांची मालिका खेळणार आहे.

भारतीय संघ - रोहित शर्मा, शुभमन गिल, विराट कोहली, श्रेयस अय्यर, हनुमा विहारी, चेतेश्वर पुजारा, ऋषभ पंत, केएस भरत, रवींद्र जडेजा, रविचंद्रन अश्विन, शार्दुल ठाकुर, मोहम्मद शमी, जसप्रीत बुमराह, मोहम्मद सिराज, उमेश यादव, प्रसिद्ध कृष्णा