India vs Malaysia Asian Games 2023 : भारतीय महिला क्रिकेट संघाचा हांगझोऊ आशियाई क्रीडा स्पर्धेतील पहिला सामना पावसामुळे वाहून गेला. मलेशियाविरुद्ध प्रथम फलंदाजी करताना टीम इंडियाने 173 धावा केल्या. पावसामुळे सामना 15 षटकांचा करण्यात आला आणि प्रत्युत्तरात मलेशिया संघाला दोन चेंडूत केवळ एक धाव करता आली. त्यानंतर पाऊस सुरू झाल्याने पुढील खेळ होऊ शकला नाही. यानंतर सामना रद्द करण्यात आला आणि भारताने चांगल्या रँकिंगच्या आधारे उपांत्य फेरी गाठली.

सततच्या पावसामुळे बराच वेळ वाया गेला आणि आता सामना रद्द करण्यात आला आहे. चांगल्या रँकिंगच्या जोरावर टीम इंडियाने उपांत्य फेरी गाठली आहे. आशियाई क्रीडा स्पर्धेत अव्वल मानांकित टीम इंडियाला थेट उपांत्यपूर्व फेरीचा सामना खेळण्याची संधी मिळाली.

मलेशियाविरुद्धच्या सामन्यात टीम इंडियाने चांगली कामगिरी केली. संघाची नियमित कर्णधार हरमनप्रीत कौर बंदीमुळे हा सामना खेळू शकली नाही आणि स्मृती मंधानाने संघाची कमान सांभाळली.

भारताने प्रथम फलंदाजी करत शानदार सुरुवात केली. मात्र, स्मृती मानधना 16 चेंडूत 27 धावा करून बाद झाली. पावसामुळे सामना प्रत्येकी 15 षटकांचा करण्यात आला. अशा परिस्थितीत शेफाली वर्मा आणि जेमिमाह रॉड्रिग्ज यांनी शानदार फलंदाजी करत 86 धावांची भागीदारी केली. शेफाली 39 चेंडूत 67 धावा करून बाद झाली.

शेफाली 39 चेंडूत 67 धावा करून बाद झाली. जेमिमाने 29 चेंडूत 47 धावा केल्यानंतर नाबाद राहिली. शेवटी ऋचा घोषने सात चेंडूत नाबाद 21 धावा करत भारताची धावसंख्या 173/2 पर्यंत नेली.

डकवर्थ लुईस नियमानुसार मलेशियासमोर 15 षटकांत 177 धावांचे लक्ष्य होते. मलेशियाने दोन चेंडूत एक धाव घेतली होती, मात्र त्यानंतर पुन्हा पाऊस सुरू झाल्याने पुढील खेळ होऊ शकला नाही. शेवटी सामना रद्द झाला आणि भारतीय संघाने चांगल्या रँकिंगच्या जोरावर उपांत्य फेरी गाठली. आता टीम इंडिया 24 सप्टेंबरला सेमीफायनल सामना खेळणार आहे.